Agar siz internetda Masako Mizutani, Liu Yerin, Risa Hirako ismlarini yozsangiz, Google sizga aslida 50 yosh bo‘lgan, ammo 20 yoshdek ko‘rinadigan go‘zallarning fotosuratlarini beradi va bu fotoshop emas. Osiyolik ayollar yevropalik jinsdoshlariga qaraganda yoshroq ko‘rinadi. Buning sirini esa quyidagi ma’lumotlardan bilib olasiz.
Yuzni bosqichma-bosqich yuvish
Hech bir yapon yoki koreys ayol yuzini darhol tozalovchi gel bilan yuvmaydi. Terida makiyaj bo‘lishidan qat’i nazar, ular avval teriga zardob yoki gidrofil moy surtishadi. Shundan keyingina yuzlarini odatdagi ko‘pik yoki gel bilan yuvadi. Aytgancha, osiyolik ayol hech qachon bir vaqtning o‘zida turli xil kosmetik mahsulotlarni ishlatmaydi: gel, krem, zardob va losyonlar bir xil markali bo‘lishi kerak. O‘ziga nisbatan bunday hurmat buddaviylik davriga borib taqaladi: bu tana bizga tegishli emasligini, biz uni vaqtincha ishlatish uchun olganimiz va unga boshqa birovning mulki kabi ehtiyotkorlik bilan munosabatda bo‘lishimiz kerakligini o‘rgatadi.
Yuz massaji
Osiyoliklarning yoshligidan beri amalda bo‘lgan sevimli odati bu — yuz massajidir. Asosan, ular mineral toshlar bilan qilinadigan Guash massajini afzal ko‘rishadi: bu yuzdagi shish uchun juda samarali vosita hisoblanadi. Ammo bunday toshlar bo‘lmasa, ular yuzni qo‘llari bilan massaj chiziqlari va nuqtalari bo‘ylab massaj qilishadi. Osiyoliklarning fikricha, agar ma’lum energiya nuqtalari bosilsa, yuzdagi akne, ajin va xira teridan xalos bo‘lish mumkin.
“Sassi suvi”Pekin yoki Seulda yurgan qizlarning umumiy tomoni bor: deyarli har birining qo‘lida “Sassi suvi”li shisha bo‘ladi. Har kecha ular shishani toza suv bilan to‘ldirib, zanjabil, limon, laym, bodring va yalpiz qo‘shadilar. Bu ichimlik organizmni toksinlardan tozalaydi va kundalik suv ehtiyojini qondirishni osonlashtiradi.
Mavzuga doir: Erta ajin tushishiga olib keladigan 8 odat
Kuniga 10 000 qadam
Yaponiyada sog‘liq va go‘zallik uchun kuniga kamida 10 000 qadam yurish kerakligini aniqlashganidan xabaringiz bormi? Osiyo ayollari mashinadan ko‘ra velosipedni afzal ko‘rishadi va bog‘lardagi skameykada dam olish o‘rniga aykido va karate bilan shug‘ullanishadi. Ehtimol, aynan shu tufayli ular 80 yoshida ham dunyo bo‘ylab faol sayohat qilishadi, shaharlarni aylanib, umuman charchashmaydi.
Quyosh nurlarisiz
Osiyoliklar oppoq terini zodagonlik va chiroy belgisi deb bilishadi. “Xavfsiz” quyosh ostida bo‘lish uchun ertalab soat 6 da uyg‘onishga tayyor bo‘lgan yevropaliklardan farqli o‘laroq, osiyoliklar yopiq kiyim kiyib, SPF-kremdan foydalanishadi. Chunki quyosh terida nafaqat bronza rangini, balki ajin, terining qarishi va quruqlikni ham keltirib chiqaradi. Ultrabinafsha nurlar ta’sirida teri ikki baravar tez qariydi.
Shunday ekan, osiyolik ayollarning odatlariga amal qiling: ko‘proq suv iching, tez-tez yuring, SPF-kremdan foydalaning — shunda yosh va sog‘lom bo‘lasiz.
Izoh (0)