Швецияда Дэвид Густафссон исмли Lego’нинг 21 ёшли мухлиси 2020 йилда Lego Masters кўрсатувида ғолибликни қўлга киритиб, маҳаллий телевидениеда машҳурликка эришган эди. Мукофот сифатида унга 370 минг деталдан иборат 1,2 тоннали жамланма насиб этган ва йигит ундан тўлиқ ўлчамли Volvo V70 моделини йиғишга қарор қилди. Автомобилни йиғиш жараёни YouTube’да бир неча ой олдин пайдо бўлган, бироқ ролик SVТ телеканалининг 6 августдаги сюжетидан сўнг, машҳурликка эришди. Ҳозирга қадар ушбу видео 111 минг мартадан ортиқ томоша қилинган, деб хабар беради Motor.
Lego’дан V70 моделини йиғиш лойиҳаси ҳали охирига етгани йўқ, бироқ ҳозирда профил трубалардан қўлбола ясалган рама мавжуд бўлиб, унга бўлажак автомобилнинг скелети, тўлиқ ўлчамли ғилдираклар ва карданга эга ҳақиқий рул чамбарали ўрнатилади. Қолган барча эҳтиёт қисмларни Дэвид Lego’дан йиғади. Режага кўра, орқа ўққа электромотор ўрнатилади, аммо унинг техник тавсифи, бир марта қувватланиш орқали қанча масофа босиб ўтиши мумкинлиги ҳақидаги маълумотлар ошкор этилмаган.
Айни вақтда Густафссон Bankerид шаҳридаги ўз студиясида иш олиб бормоқда ва компания учун Lego констукцияларини яратиш билан пул топяпти. V70 моделини эса у йил давомида йиғиб тугатиш, шундан сўнг, Швеция ёки Европа бўйлаб саёҳатга оланиш ниятида.
Эслатиб ўтамиз, июнь ойида Lego компанияси 400 мингта конструктор деталларидан таркиб топган тўлиқ ўлчамли Lamborghini Sian гиперкарини тақдим этганди. Уни яратиш устида 15 нафар мутахассис 8660 соат иш олиб борган. 1:1 масштабдаги ўйинчоқ гиперкар Lamborghini Sian FKP 37 модели дизайнини такрорлайди.