Япониянинг Токио шаҳри мезбонлик қилаётган Олимпия ўйинларида ўзбекистонлик спортчилар 7 август кунги чиқишларини якунлади.
Каноэда эшкак эшиш
Нилуфар Зокирова ва Дилноза Раҳматова жуфтлиги ярим финалда 5-ўринни эгаллаб, финалдан қуруқ қолди. 9—16-ўринлар учун кечган беллашувларда ўзбекистонликлар учинчи бўлиб маррага етиб келди ва 11-ўринни банд этди.
Бадиий гимнастика
Ксения Александрова, Камола Ирназарова, Динара Равшанбекова, Севара Сафоева ва Нилуфар Шомуродова жамоавий баҳсларда иштирок этди. Умумий ҳисобда 9-ўринни эгаллаган гимнастикачилар финал йўлланмасига эга чиқолмади.
Замонавий бешкураш
Александр Савкин 585 очко тўплаб, 36 спортчи ичида 32-ўринни эгаллади.
Енгил атлетика
Сафина Саъдуллаева баландликка сакраш баҳсларида 196 метрни забт этди ва 6-ўринни эгаллади. Қайд этиш керак, Сафина ушбу мусобақада шахсий рекордини такрорлади.
Шу тариқа сўнгги кун олдидан Ўзбекистон делегациясида ўз иштирокини ўтказмаган бир нафар спортчи қолди. Бокс бўйича +91 кг вазн тоифаси вакили Баҳодир Жалолов 8 август куни финалда рингга кўтарилади.
Изоҳ (0)