Саудия Арабистонининг Flynas авиакомпанияси Ўзбекистонга мунтазам қатновларни амалга оширишни режалаштираётгани ҳақида хабар берилган эди. Туризм ва спорт вазирлиги ахборот хизматининг «Дарё»га маълум қилишича, 5 август куни ушбу авиакомпания Ар-Риёд шаҳридан Тошкентга биринчи авиапарвозини амалга оширди.
Фото: Туризм ва спорт вазирлиги ахборот хизмати
А320НЕО самолёти Тошкент вақти билан соат 12:30 да Ислом Каримов номидаги халқаро аэропортга қўнган. Flynas компаниясининг биринчи рейсини Туризм ва спорт вазирлиги ҳамда Транспорт вазирлиги ходимлари ва ОАВ вакиллари кутиб олган.
Фото: Туризм ва спорт вазирлиги ахборот хизмати
Фото: Туризм ва спорт вазирлиги ахборот хизмати
Қайд этилишича, Flynas парвозлари мунтазамлигини ҳисобга олиб, сайёҳлар оқими кўпайтирилади, Ўзбекистоннинг йирик туристик компания ва агентликлари вакилларини Саудия Арабистонига юборилади. У ерда Ўзбекистон туризм салоҳиятига бағишланган тақдимотлар ўтказилади.
