Тошкент шаҳар Юнусобод тумани ҳокимининг «Юнусобод тумани ‘Отчопар-2’ маҳалла фуқаролар йиғини ҳудудида ташкил этилаётган мавзега ‘Манзара’ номини бериш тўғрисида»ги қарори лойиҳаси муҳокамага қўйилди.
Лойиҳага мувофиқ, қарор қабул қилингач, «Отчопар-2» маҳалла фуқаролар йиғини ҳудудида янги ташкил этилаётган мавзега «Манзара» номи акс этган номлагичлар ўрнатилади ва тегишли ҳужжатларга ўзгартириш киритилади.
Халқ депутатлари Юнусобод туман кенгашининг Ижтимоий-маданий соҳани ривожлантириш, оила, хотин-қизлар ва ёшлар масалалари ҳамда Саноат, транспорт, қурилиш, алоқа ва аҳолига хизматлар кўрсатиш масалалари бўйича доимий комиссиялари ҳужжат ижросини назорат қилади.
Ушбу лойиҳа «Географик объектларнинг номлари тўғрисида»ги қонуннинг 10-моддаси, Вазирлар Маҳкамасининг 2012 йил 16 октябрдаги «‘Географик объектларнинг номлари тўғрисида’ги Ўзбекистон Республикаси қонунига мувофиқ, географик объектларнинг номлари соҳасидаги ишларни тартибга солиш чора-тадбирлари тўғрисида»ги қарори асосида амалга оширилмоқда.
Эслатиб ўтамиз, 2020 йилнинг майида Ўзбекистон Президентининг ташаббуси билан Чоштепа ва Қипчоқ мавзелари негизида Тошкент шаҳар ҳокимлигига тўғридан-тўғри бўйсунадиган алоҳида Янги ҳаёт кичик тумани ташкил этилганди.
Изоҳ (0)