Бугун,

  • USD 11014.01
  • RUB 191.8
  • EUR 10674.78

2 август куни Японияда Toyota Land Cruiser 300 сотувлари бошланди. Маҳаллий ОАВларнинг маълум қилишича, талабнинг кўплиги сабаб йўлтанламаснинг талабгир модификацияларини 2-4 йил кутишга тўғри келади. Навбат буюртмалар қабул қилинишидан олдин пайдо бўлган — июль ойидан август бошига қадар 20 мингдан ортиқ ариза келиб тушган. Гап бу ерда олдиндан тўлови амалга оширилган автомобиллар ҳақида кетмоқда, деб ёзади Motor.

Фото: Toyota

Фото: Toyota

Япониядаги янги Land Cruiser 300’ни 5,1 миллион иенага (46,7 минг доллар) харид қилиш мумкин. Танлов учун бир нечта модификация таклиф этилмоқда: 409 от кучига эга 3,5 литрли V6 бензин мотори ва 309 от кучига эга 3,3 литрли V6 бензин двигателли. Уларнинг иккиси ҳам 10 поғонали автомат узатмалар қутиси ёрдамида бошқарилади. Йўлтанламас беш ва етти кишига мўлжалланган салонга эга. Журналистлар айнан қайси версияга талаб юқори бўлаётганига ойдинлик киритмаган.

Аввалроқ Toyota Land Cruiser 300’нинг япониялик мижозлари учун машина харид қилинганидан кейин, бир йил давомида уларни сотишга тақиқ қўйган. Автомобиль ишлаб чиқарувчи буни йўлтанламасларнинг оммавий равишда хорижга, хусусан, техникалар импортига чеклов ўрнатилган минтақаларга чиқиб кетиши билан изоҳламоқда.

Чекловлар автомобиллар учун олдиндан амалга оширилган буюртмаларга ҳам тааллуқли: агар дилер шартнома олиб-сотиш мақсадида тузилганидан хабар топса, уни бекор қилишга ҳақли.

Изоҳ
Асосий янгиликлар