Тошкентда ҳаракатланадиган автобусларни реал вақт ичида кузатиш имконини берадиган «Тошкент транспорти» мобил иловаси ишга туширилди, дея хабар бермоқда Транспорт вазирлиги.
Қайд этилишича, илова орқали йўловчилар ўзларига энг яқин бўлган оралиқ бекатлар тўғрисидаги маълумотга эга бўлган ҳолда манзилига етиб олишнинг энг мақбул усулини аниқлаши мумкин.
Шунингдек, ягона транспорт карталарини сотиш шохобчалари жойлашувини тезкорлик билан топиш ва ушбу манзилга ҳаракатланувчи автобус йўналишини кўриш имконияти ҳам бор.
Бундан ташқари, шахсий транспорт воситасидан фойдаланмаган ҳолда йўналишнинг А нуқтадан Б нуқтасига бориш бўйича аниқ қўлланмага эга бўлиш мумкин.
Мавзуга доир:
Изоҳ (0)