Халкни соғинганлар борми? Бразилиялик футболчи 2021 йил январь ойида «Атлетико Минейро» сафига бориб қўшилди ва дарҳол жамоа етакчиларидан бирига айланди: барча мусобақаларда 24 та ўйинда майдонга тушиб, 11 та гол ва 4 та голли узатмани ўз ҳисобига ёздириб қўйди. Бироқ бу сафиҳада Халк ҳақида эмас, у қатнашган ўйинни бошқариб борган ҳакам ҳақида ҳикоя қилинади.
Танишинг, Андерсон Даронко.
«Минейро» ва «Сан-Паулу» ўртасидаги ўйиннинг энг қизиқарли лавҳаси футболчининг рақиб жарима майдонида йиқилганидан сўнг ҳакам билан бўлиб ўтган суҳбати бўлди. Халк «Атлетико М» ва «Интер»нинг собиқ ҳимоячиси Миранда билан тўқнашиб кетди ва ерга йиқилди.
Халк пенальтини кутиб ўтирмади ва ҳакам билан тортишгани борди. Лекин ҳакамга гап уқтириб бўлмади. Ҳакам футболчининг елкасидан қоқиб қўйди ва ундан тинчланишини сўради. Ҳатто гавдали Халк ҳам ҳакам билан солиштирганда у қадар ҳайбатли эмасди.
Ижтимоий тармоқларда уларнинг қарама қаршилигини Халкнинг Танос ёки Жагернаут билан жангига қиёслашди. Йирик ва мушакдор қаҳрамонлари борлиги учун Marvelга раҳмат айтса арзийди.
Даронко ёшлигида гандбол билан шуғулланган, лекин кейинчалик бу спорт турини ташлаган. Ундан сўнг жисмоний тарбия ўқитувчиси бўлиб ишлади, аммо футбол ҳаками бўлишни орзу қиларди. Андерсоннинг ўзи мушаклари унга ҳакамлигига халақит бермаслиги ҳақида айтиб ўтган:
«Мушакларимга қараб баҳо беришларини хоҳламайман. Менга нисбатан ҳурмат майдонда чиқарадиган тўғри қарорларим, футболчилар билан муносабатим туфайли бўлади».
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)