Англиянинг Уэркоп шаҳрида мўри тозаловчилар 1961 йилги Рождество арафаси Санта-Клаусга ёзилган хатни топиб олди, деб хабар беради Esquire.
Эркакнинг сўзларига кўра, хатни отаси ёзиб берган. Ўшанда Роберт беш ёшда бўлган ва у Санта-Клаусдан «ковбойларнинг костюми, қуроли, шляпаси каби нарсаларни» сўраган. «Менга шулар етади… Эртага кечга кўришгунча», — деб ёзган болакай.
Хат ўз манзилига етиб бормаган бўлса-да, ўша йили Кремптон совғаларини олган — кавбойларникига ўхшаш пистолет ва шерифнинг кўкрак нишони. Орзу реал ҳаётда ҳам амалга ошган: эркак 30 йил полицияда хизмат қилиб, 2013 йилда нафақага чиққан. «Доим шериф бўлишни орзу қилардим ва қайсидир маънода шундай ҳам бўлди», — дейди у.
Кремптон қизлари 1996 йилда вафот этган бобосини хотирлаб юриши учун хатни қайтариб олиш ниятида. Ҳозирда хат уйнинг амалдаги эгаларининг қўлида.
Эслатиб ўтамиз, 2019 йилда мексикалик қизалоқнинг Санта Клаусга ёзган хатини америкалик эркак топиб олиб, унинг орзуларини рўёбга чиқарганди. Қизалоқ Санта Клаусдан қўғирчоқ, қўғирчоқлари учун уй ва чизиш учун қаламлар сўраган.
Изоҳ (0)