Афғонистон шарқидаги Нуристон вилоятида кучли сув тошқини юз берди, оқибатда 40 дан 150 нафаргача одам ҳалок бўлди. Бу ҳақда маҳаллий телеканаллар ҳукумат вакилларига таяниб хабар бермоқда.
Мансабдорлар маълумотларига кўра, сел оқими 29 июлга ўтар кечаси Камдиш туманидаги Мехердиш қишлоғига ёпирилган. Тошқинда камида 40 киши ҳалок бўлган — уларнинг жасадлари аллақачон топилган. Кучли сув оқимлари 100 га яқин уй ва чорва молларини оқизиб кетган.
1ТВ News телеканали вилоят кенгаши раҳбари Саидулла Нуристонийга таяниб, маълум қилишича, тунги тошқинда қарийб 150 киши қурбон бўлган.
Унинг сўзларига кўра, қишлоқ табиий офат натижасида тўлиқ вайрон бўлган. Нуристонийнинг қўшимча қилишича, ушбу ҳудуд «Толибон» назорати остида бўлиб, шу сабабли у ерга гуманитар ёрдам етказиш иложи бўлмаяпти.
Айни пайтда қидирув-қутқарув ишлари давом этмоқда.
Мавзуга доир:
- Европада сув тошқинлари туфайли 200 нафардан зиёд одам ҳалок бўлди. Мамлакатлар ҳукуматлари хавф ҳақида олдиндан билган, аммо аҳолини вақтида огоҳлантирмаган
- Туркияда кучли ёмғирлар туфайли сув тошқинлари юз берди (фото, видео)
- Хитойда сув тошқини туфайли 100 минг киши эвакуация қилинди, метрони сув босиши оқибатида 12 киши ҳалок бўлди (видео)
Изоҳ (0)