Интернет фойдаланувчилари ўртасида табиий бўлмаган бинафша рангига бўялган ўрмон сурати кенг муҳокамаларга сабаб бўлди, деб хабар беради Hi-Tech.Mail.ru.
Ўрмоннинг мазкур қисми марказий Калифорнияда жойлашган. Google Maps’даги кадр Reddit тармоғининг Conscious_Que исмли фойдаланувчиси томонидан эълон қилинган.
Пост остидаги изоҳларда айримлар бинафша-яшил доғ паранормал фаоллик натижасида юзага келганини тахмин қилган. «110 фоизга ишончим комил — бу арвоҳлар бор ўрмон», — дея ҳазиллашади фойдаланувчилардан бири. Бошқа бир фойдаланувчи эса ўрмон қўрқинчли кўринишда эканлиги тўғрисидаги фикрга қўшилиб, бундай жойда сайр қилмаслик кераклигини таъкидлаган.
Қолган фойдаланувчилар ёрқин рангга бўялган ҳудуд айрим Reddit фойдаланувчилари тасаввур қилганичалик эмаслигини қайд этган: «Афтидан, камера датчиги суратга олиш вақтида ‘ўлиб қолган’ ва натижада биз арвоҳлари бор ўрмонга эга бўлдик».
Google Street View автомобилларига ўрнатилган 360 даражали юқори технологик камераларида техник носозликлар баъзида кузатилиб туради. Фойдаланувчилар ижтимоий тармоқлар орқали улар билан бўлишиб, ўз фикрларини билдириб келмоқда.
Эслатиб ўтамиз, 2017 йилда британиялик қиз Google панорамаларидан марҳум онасининг фотосини топиб олганди.
Изоҳ (0)