Андрей Беленожко исмли дастурчи суратлар сифатини ошириш ва архивдаги оқ-қора расмларни ранглига айлантириш имконини берадиган Telegram-ботни яратди, деб хабар беради «Afisha.uz».
АlMagic номли ботдан Telegram орқали бепул фойдаланиш мумкин. Бунинг учун ботли чатга суратни юклаш ва у керакли сифат ҳамда рангни тақдим этиши учун бирор функцияни танлаш лозим.
Нашр Тошкентнинг бир нечта оқ-қора суратларини топиб, бот ёрдамида уни «бўяб» кўрган. Битта суратни қайта ишлашга 30 сониягача вақт кетиши мумкин.
Таъкидланишича, бот томонидан тақдим этилган ранглар доим ҳам аниқ эмас. Масалан, эски оилавий кадрдаги кўк рангли кўйлак ҳам кўк, ҳам қизил бўлиши мумкин. Шунингдек, бир ҳолатда пушти ранг ўрнига жигарранг олинган.
Аввалроқ MyHeritage сайти фотопортретларни худди «Гарри Поттер»даги каби «жонлантириш»ни ўрганиб олгани тўғрисида хабар берилганди.
Изоҳ (0)