Минглаб долларга тенг қимматбаҳо автомобилларни бошқарадиган Болливуд юлдузлари (фото)

Болливуд юлдузлари қандай машиналардан фойдаланишини билиб олинг.

Lamborghini Aventador — Эмран Хашми

Актёр Эмран Хашми ўзининг харизмаси ва ёрқин истеъдоди билан томошабинларни ўзига ром этган асли бомбейлик йигит. Айниқса, Эмран ёвуз одамлар ролини ўйнашни қойиллатади. Унинг роллари орасида — «Қироллар»даги Далиа ва «Нега Ҳиндистонни алдашади» фильмидаги Ракеш Сингх образлари машҳур.

Эмран нархи 407 минг доллар бўлган сариқ Lamborghini Aventador’ни бошқаради.

Mercedes Benz S600 — Амир Хон

Амир Хон актёрлик фаолияти давомида кўплаб мукофотларни, шу жумладан, давлат мукофотларини қўлга киритган. Актёрлик карьерасидан ташқари у сценарий муаллифи, телебошловчи ва режиссёр сифатида ҳам танилган.

Амир Хон 1 миллион 400 минг доллар турадиган қора рангли Mercedes Benz S600 русумли автомашинадан фойдаланади.

Range Rover Vogue — Анушка Шарма

Анушка Шарма энг таниқли ва катта гонарар оладиган ҳинд актрисаларидан бири ҳисобланади. Актёрлик фаолиятидан ташқари, Анушка хайрия ишларида фаол иштирок этади, аёллар ҳуқуқларини ҳимоя қилади ва ҳайвонларни қутқаришда ёрдам беради.

Анушка Шарма ҳўл асфальт рангли, нархи 299 минг долларга тенг Range Rover Vogue машинасини ҳайдайди.

Lamborghini Urus SUV — Ранвир Сингҳ

Ранвир Сингҳ 11 йил олдин «Тўй маросими» фильмида роль ижро этганидан бери аёллар қалбини забт этиб келмоқда.

Ранвир қиймати 407 минг доллар бўлган қизил рангли Lamborghini Urus йўлтанламасини бошқаради.

Rolls Royce Phantom Drophead Coupe — Шоҳруҳ Хон

Актёр, телебошловчи ва продюсер Шоҳрух Хон «Болливуд қироли» лақабини олгани бежиз эмас. У 1988 йилдан буён фильмларда суратга тушиб келмоқда. Унинг арсеналида юзга яқин роллари бор.

«Болливуд қироли» 950 минг долларлик Phantom Drophead Coupe’ни бошқаради.