Болливуднинг ёши нечада эканини тахмин қилиш мушкул бўлган латофатли актрисалари (фото)

Ҳинд киносаноатининг нафақат ижро маҳорати, балки гўзаллиги билан ҳам мухлисларни экран қаршисига михлайдиган актрисаларнинг неча ёшда экани ҳақида маълумот бериб ўтамиз.

Падма Лакшми

Бундан бир неча йиллар аввал модель сифатида фаолиятини бошлаган Падма бугунги кунда Америкадаги машҳур телебошловчилардан бири саналади. Қадди-қомати ва бўйига ҳавас қилса арзийдиган, ёрқин кўринишга эга Лакшми Париж, Милан ва Нью-Йоркда карьера қилган илк ҳинд модели саналади. Режиссёрлар эътиборини ўзига жалб қилган гўзал ҳусн эгаси кейинчалик Болливуднинг энг машҳур актрисаларидан бирига айланган.

Пазандачилик шоусига бошловчилик қиладиган Падманинг мухлислари унинг ёш ва гўзал кўриниши сири билан қизиқади. Дарҳақиқат, актрисанинг ташқи кўринишига назар ташлаб, унинг ёши элликда эканига ишониш қийин.

Приянка Чопра

Кўпчилик Приянка Чопра ва Ник Жонасни тенгдош деб ўйлайди. Аслида эса актриса турмуш ўртоғидан 10 ёшга катта. У 2021 йилнинг 18 июлида 39 ёшни қаршилади.

17 ёшидаги суратларида ҳозиргидан катта кўринган Приянкани бугунги кунда ҳеч ким сал кам 40 ёш демайди.

Айшвария Рай

Мовий кўзли актриса илк фильмларидаги ижросининг ўзидаёқ нафақат Болливуд, балки дунёнинг бошқа бурчакларидаги томошабинларни ҳам ўз ҳуснига мубтало қилган.

Дунёнинг энг гўзал актрисаларидан бири мақомига арзийдиган актриса 47 ёш. Абхишек Баччан билан турмуш қурган Айшвариянинг ҳусн борасида ўзидан қолишмайдиган Арадия исмли қизи бор. Актриса оналик бахтини ҳис қилганида 37 ёшда бўлган.

Рани Мукержи

Рани Мукержи Болливуднинг «Энг яхши актрисалари» рўйхатида уч марта етакчилик қилган. «Ҳаётда ҳамма нарса бўлади», «Зулмат» ва бошқа бир қанча эсда қоларли фильмларда суратга тушган актриса энг машҳур ижодкорлардан бири ҳисобланади.

Ранининг кўринишига назар ташлаб, унинг 43 ёш эканига ишониш қийин.

Карина Капур

People журнали 2010 йилда Болливуддаги энг машҳур сулолалардан бири ҳисобланган Капурлар оиласининг вакили — Каринани Ҳиндистоннинг энг гўзал аёли деб атаган. Саиф Али Хонга турмушга чиққан Капур хоним саноатнинг энг кўп ҳақ тўланадиган актрисаларидан бири саналади. 2021 йилнинг сентябрида 41 ёшни қаршилашига қарамай ҳали ҳамон гўзал ва латофатли.

Унинг ёш ва чиройли кўринишининг сири тўғри овқатланиш, соҳил бўйлаб узоқ сайр қилиши ва арзимаган нарсалардан ҳам завқлана олиши билан боғлиқ.

Ҳема Малини

«Зита ва Гита» юлдузининг арсеналида 158 та фильм бор. 2021 йилнинг октябрида 73 ёшни қаршилайдиган актриса ҳали ҳам гўзал ва бетакрор кўринади.

Ҳаётини актёр Дҳармендра билан боғлаган ва Эшу исмли қизи бор бўлган Ҳемани бугунги кунда ҳам қизил йўлакларда учратиш мумкин.