Ўзбекистон Маданият вазирлигининг Республика маданият муассасалари фаолиятини ташкил этиш илмий-методик маркази директори лавозимида фаолият юритиб келган сиёсий фанлар номзоди, профессор, «Шуҳрат» медали соҳиби Азамат Ҳайдаров вафот этди, дея хабар бермоқда вазирлик матбуот хизмати.
Маълум қилинишича, унинг ўлимига оғир хасталик сабаб бўлган.
Азамат Ҳайдаров 1957 йил 20 май куни Навоий вилоятининг Нурота туманида туғилган. 1980 йил Тошкент давлат маданият институти, 1996 йил Ўзбекистон Президенти ҳузуридаги Давлат ва жамият қурилиши академиясини тамомлаган.
Бир неча йиллар масъулиятли вазифаларда, хусусан, Маданият ишлари вазирлигининг Академик ва халқ бадиий жамоалар бошқармаси бошлиғи, Ўзбекистон давлат консерваториясининг «Малака ошириш» факультети декани, «Сиёсий фанлар» кафедраси мудири, маданият ва спорт ишлари вазирининг ўринбосари, «Ўзбекнаво» эстрада бирлашмаси бош директори, Маданият ва спорт ишлари вазирлигининг Халқ ижодиёти ва маданий-маърифий ишлар республика илмий-методика маркази директори каби лавозимларда меҳнат қилган.
Бундан аввал Мактабгача таълим вазирлигининг Китоб туман бўлими раҳбари, Олмазор тумани ҳокими Абдумажид Муллажонов ҳамда АОКАнинг 38 ёшли бўлим бошлиғи коронавирус оқибатида вафот этгани ҳақида хабар берилганди.
Изоҳ (0)