«Форрест Гамп» юлдузи Том Хэнкс ўзининг 1992 йилда ишлаб чиқарилган Airstream 34 Excellа ғилдираклар устидаги уйини сотишга қарор қилди. Хэнкс автоуйга 24 йил давомига эгалик қилиб, АҚШнинг деярли барча штатларига сафар уюштирган. Кемперни август ўрталарида Калифорнияда ўтказиладиган аукцион орқали 150—250 минг долларга сотиш режалаштирилган. Автоуйнинг янги эгасига бонус сифатида «Aпoллoн 13» фильмидаги кружка совға қилинади. Унга Хэнкснинг ўзи, шунингдек, Гери Синиз, Билл Пакстон ва Кевин Бекон дастхат қўйган, деб хабар беради Motor.
Ғилдираклар устидаги уй фақатгина саёҳатлар учун мўлжалланмаган: Хэнкс унда 18 та фильмнинг суратга олиш ишларида яшаган — 1993 йилги «Сиэтлдаги бедор»дан тортиб, «Aпoллoн-13», «Форрест Гамп», «Фирибгар», «Қутб экспресси» ва 2017 йилги «Ҳалқа» картиналаригача.
Автоуй салони актёрнинг ўзи томонидан лойиҳаланган ва буюртма асосида табиий ёғочдан ишланган: мини-ошхона ўрнатилган, ётоқхона ва ювиниш хонаси қурилган. Шунингдек, электрокамин, кондиционер, диван, икки стулга эга тушлик столи ва кўплаб жавонлар учун ҳам жой топилган.
Автоуй 13 август куни Кармеледаги Quail Lodge аукциони орқали сотилади. Ғилдираклар устидаги уйнинг барча мебеллари Airstream 34 Excelла қиймати ичига киритилган.
Аввалроқ Голливуд актёри Сильвестр Сталлоне ўзининг шахсий Cadillac Escalade йўлтанламасини 350 минг доллар эвазига сотувга қўйгани тўғрисида хабар берилганди.
Изоҳ (0)