Ўзбекистонда ўтган олти ой ичида қайси автомобиль энг кўп ишлаб чиқарилгани маълум қилинди
Автомобиль ишлаб чиқариш саноатида 2021 йилнинг январь—июнь ойларида Cobalt автомобили энг кўп — 31 788 дона ишлаб чиқарилган. Бу ҳақда Давлат статистика қўмитасига таяниб, «Zamon.uz» канали хабар берди.
Фото: «Дарё» / Мадина Нурман
2021 йилнинг дастлабки ярим йиллигида ишлаб чиқарилган бошқа автомобиллар сони эса қуйидагича:
Damas — 28 772 дона;
Lacetti-Gentra — 21 962 дона;
Nexia Т-250 — 13 943 дона;
Spark — 6085 дона;
Labo — 6230 дона.
Шунингдек, мамлакатда январь—июнь ойларида жами 1855 дона юк автомобиллари ишлаб чиқарилган. Юк автомобиллари ишлаб чиқариш саноатида кўрсаткич ўтган йилнинг мос даврига нисбатан 1,3 фоизга ошган.
Бундан ташқари, 2021 йилнинг дастлабки олти ойида 495 дона автобус ишлаб чиқарилиб — ушбу кўрсаткич ўтган йилнинг мос даврига нисбатан 6,7 фоизга кўп. Қишлоқ хўжалиги техникаси ишлаб чиқариш саноатида эса жами 173 дона трактор ишлаб чиқарилган.
Аввалроқ UzAutoMotorsChevroletOnix ва Tracker автомобилларини йиғишни бошлаши, 2020 йилдан 2021 йилнинг ҳозирги вақтигача аёллар томонидан жами 45 562 дона автомобильсотиб олингани, Ўзбекистонда бир йил ичида енгил автомобиль экспорти қарийб 85 миллион долларга ошгани тўғрисида хабар берилганди.
Изоҳ (0)