“Forrest Gamp” yulduzi Tom Xenks o‘zining 1992-yilda ishlab chiqarilgan Airstream 34 Excella g‘ildiraklar ustidagi uyini sotishga qaror qildi. Xenks avtouyga 24 yil davomiga egalik qilib, AQShning deyarli barcha shtatlariga safar uyushtirgan. Kemperni avgust o‘rtalarida Kaliforniyada o‘tkaziladigan auksion orqali 150—250 ming dollarga sotish rejalashtirilgan. Avtouyning yangi egasiga bonus sifatida “Apollon 13” filmidagi krujka sovg‘a qilinadi. Unga Xenksning o‘zi, shuningdek, Geri Siniz, Bill Pakston va Kevin Bekon dastxat qo‘ygan, deb xabar beradi Motor.
Avtouy saloni aktyorning o‘zi tomonidan loyihalangan va buyurtma asosida tabiiy yog‘ochdan ishlangan: mini-oshxona o‘rnatilgan, yotoqxona va yuvinish xonasi qurilgan. Shuningdek, elektrokamin, konditsioner, divan, ikki stulga ega tushlik stoli va ko‘plab javonlar uchun ham joy topilgan.
Avtouy 13-avgust kuni Karmeledagi Quail Lodge auksioni orqali sotiladi. G‘ildiraklar ustidagi uyning barcha mebellari Airstream 34 Excella qiymati ichiga kiritilgan.
Avvalroq Gollivud aktyori Silvestr Stallone o‘zining shaxsiy Cadillac Escalade yo‘ltanlamasini 350 ming dollar evaziga sotuvga qo‘ygani to‘g‘risida xabar berilgandi.
Izoh (0)