Ангренда кунига 50 та баённома ёзиши айтилган ЙПХ ходимига нисбатан хизмат текшируви тайинлангани ҳақида хабар берилганди. Тошкент вилояти ИИББ ЙҲХБ томонидан хизмат текшируви ўтказилди.
Текширув якунига кўра, ЙПХ ходими Ш.Сапаров 2021 йил 1 январь куни вилоят ИИББ ЙҲХБ бошлиғи томонидан тасдиқланган дислокация асосида Ангрен шаҳар ҳудудида хизмат олиб боргани маълум бўлган.
Lada Largus русумли автомобиль ҳайдовчиси Ф.И. билан телефонда мулоқот вақтида ЙПХ ходимлари хавфсизлик камари тақмаган ҳайдовчилар бўйича кунига 50 дона маъмурий баённома тузиши кераклигини айтган Ангрен шаҳар ИИБ ЙҲХБ ходими С.Абдурасуловнинг хатти-ҳаракатлари Тошкент вилояти ИИББ иккинчи минтақавий ҳудуд «Интизом кенгаши»да муҳокама қилиниши бўйича хулоса қабул қилинди.
Шунингдек, ҳайдовчи Ф.И.га нисбатан ҳаракат вақтида хавфсизлик камаридан фойдаланмагани учун ЙПХ ходими Ш.Сапаров томонидан расмийлаштирилган электрон шаклдаги баённома асосли деб топилди.
Бундан аввал Тошкент кўчаларидаги қоидабузарликни қайд этувчи Tracker ҳақида маълумот берилгани, Тошкентда ЙПХ ходимлари ҳайдовчини ургани ҳақидаги хабарлар юзасидан ЙҲХББ маълумот бергани ҳамда Сурхондарёда тўхташ ишорасига амал қилмай, ЙПХ ходимини уриб кетган ҳайдовчи қамоққа олингани ҳақида хабар берилганди.
Изоҳ (0)