Angrenda kuniga 50 ta bayonnoma yozishi aytilgan YPX xodimiga nisbatan xizmat tekshiruvi tayinlangani haqida xabar berilgandi. Toshkent viloyati IIBB YHXB tomonidan xizmat tekshiruvi o‘tkazildi.
Tekshiruv yakuniga ko‘ra, YPX xodimi Sh.Saparov 2021-yil 1-yanvar kuni viloyat IIBB YHXB boshlig‘i tomonidan tasdiqlangan dislokatsiya asosida Angren shahar hududida xizmat olib borgani ma’lum bo‘lgan.
Lada Largus rusumli avtomobil haydovchisi F.I. bilan telefonda muloqot vaqtida YPX xodimlari xavfsizlik kamari taqmagan haydovchilar bo‘yicha kuniga 50 dona ma’muriy bayonnoma tuzishi kerakligini aytgan Angren shahar IIB YHXB xodimi S.Abdurasulovning xatti-harakatlari Toshkent viloyati IIBB ikkinchi mintaqaviy hudud “Intizom kengashi”da muhokama qilinishi bo‘yicha xulosa qabul qilindi.
Shuningdek, haydovchi F.I.ga nisbatan harakat vaqtida xavfsizlik kamaridan foydalanmagani uchun YPX xodimi Sh.Saparov tomonidan rasmiylashtirilgan elektron shakldagi bayonnoma asosli deb topildi.
Bundan avval Toshkent ko‘chalaridagi qoidabuzarlikni qayd etuvchi Tracker haqida ma’lumot berilgani, Toshkentda YPX xodimlari haydovchini urgani haqidagi xabarlar yuzasidan YHXBB ma’lumot bergani hamda Surxondaryoda to‘xtash ishorasiga amal qilmay, YPX xodimini urib ketgan haydovchi qamoqqa olingani haqida xabar berilgandi.
Izoh (0)