Самарқанд вилояти Нуробод туманида Spark ва «Жигули» автомашиналари ўзаро тўқнашди, дея хабар бермоқда ЙҲХББ матбуот хизмати.
Қайд этилишича, 2021 йил 14 июль куни соат 19:30 ларда Нуробод тумани «Машъал» маҳалласидан ўтган йўлда Spark автомашинаси қувиб ўтиш қоидасини бузиб, рўпарадан келаётган «Жигули» автомашинаси йўлига чиқиб кетган ва тўқнашув содир бўлган.
Оқибатда «Жигули» ҳайдовчиси воқеа жойида вафот этди.
«Менинг болам бундай бўлишини хоҳламаган, ҳеч кимга ҳеч қандай ёмонлик қилмаганди», — дейди Spark ҳайдовчисининг онаси.
Бундан аввал Сурхондарёда юк машинаси ва икки Nexia иштирокидаги ЙТҲ оқибатида йўловчи ҳалок бўлгани, Сурхондарёда автомобиль ҳайдаш ҳуқуқидан маҳрум этилган шахс бошқарувидаги Lacetti ва Nexia иштирокидаги ЙТҲ оқибатида йўловчи ҳалок бўлгани ҳамда Наманганда мотоцикл уриб кетиши оқибатида икки фуқаро шифохонага ётқизилгани ҳақида хабар берилганди.
Изоҳ (0)