60 ёшидан бошлаб ўзи билан шуғулланишни бошлаган япониялик Такимика 87 ёшида тренерга айланган. Унинг қадди-қомати ва соғлом кўринишига ҳавас қилмасликнинг иложи йўқ.
Такимиканинг спорт билан шуғулланишига турмуш ўртоғининг қариб қолдинг, қоматинг ҳам аввалгидек эмас, қабилидаги сўзлари сабаб бўлган. Бу вақтда ёши 65 да бўлган аёл бошқалар сингари тақдирга тан беришдан кўра спортзалга ёзилишни афзал билган.
«Мен қоматим ҳақида ўйламаганман, вазним ортиқча деб ҳисобламаганман. Аммо турмуш ўртоғимнинг бир оғиз гапи ҳаммасини ўзгартирди. У шунчаки мени тўлишдинг деб ҳазиллашди, мен эса спортзалга бориш кераклиги ҳақида қарор қилдим», — дейди аёл.
Машғулотларга муккасидан кетганидан бора-бора машқларни кундалик одатга айлантирган. Йигирма йилдан кўпроқ вақт давомида йога ва пилатес билан шуғуллангани, тош кўтаргани натижасида сезиларли даражада (икки ўлчамга) озган.
87 ёшга тўлганида эса шунчаки ўзи шуғулланмасдан бошқаларга ҳам фитнесдан тренерлик қилишни афзал билган. Ўзининг илк гуруҳини йиғишга муваффақ бўлган Такимика қаттиққўллик билан ташриф буюрганлардан машқларни бажаришни талаб қилади.
Изоҳ (0)