Хитойда бўйи 2,26 метрга етадиган 14 ёшли баскетболчи ўз жамоасининг финалда ютишига ёрдам берди

Хитойда бўйи 2,26 метрга етадиган Чжан Цзиюй исмли 14 ёшли қиз Миллий баскетбол лигасининг 15 ёшгача бўлган ўйинчилари ўртасидаги учрашув финалида 42 очко тўплаб, жамоасининг ғалабасини таъминлади, деб хабар беради Esquire.

Бундан ташқари, Цзиюй 25 та саралаш ва олтита блокдан ўтган. Ва бу ҳайратланарли эмас, шунинг унинг бўйи тенгдошлариникидан анча баланд. Биринчи синфдалигидаёқ қизчанинг бўйи 1,6 метрни, олтинчи синфлигида 2,11 метрни ташкил этган.

Маълумотларга кўра, Цзиюй Хитой шарқидаги Шандунь провинциясида профессионал баскетболчилар оиласида дунёга келган. Қизнинг отасининг бўйи 2,13 метрни, онасиники эса 1,98 метрни ташкил этади.

Sina Weibo ижтимоий тармоғи фойдаланувчилари Цзиюйни Хитой баскетболи юлдузи Яо Мин билан таққосламоқда — унинг бўйи 2,29 метр бўлиб, ўз вақтида NBA’нинг энг баланд бўйли баскетболчиси бўлган. Twitter фойдаланувчилари эса қизнинг ўз тенгдошлари билан бир жамоада ўйнашини адолатсизлик демоқда, айримлар унинг соғлиғидан хавотирда.

Эслатиб ўтамиз, 2020 йилнинг ноябрида хитойлик мактаб ўқувчиси дунёдаги энг баланд бўйли ўсмир сифатида тан олинганди. Ўшанда унинг бўйи 221 сантиметрни ташкил этган.