Тошкентда коронавирусга чалинган беморларни даволаётган хусусий клиникалар рўйхати, нархи ва манзиллари эълон қилинди

«Подробно» нашри Тошкентда коронавирусга чалинган беморларни даволаётган хусусий клиникалар рўйхатини тузиб чиқди.

Рўйхатда шифохоналарда даволаш учун тўланадиган нархлар ҳам кўрсатилган бўлиб, улар тахминий ҳисобланади — ҳар бир бемор учун прейскурант даволаш жараёнидан келиб чиқиб белгиланади. Унга овқатланиш ва дори воситалари, баъзида лаборатория тадқиқотлари харажатлари ҳам киритилиши мумкин. Шунингдек, айрим клиникалар махсус дори воситаларини — «Ремдесивир» ва бошқа дориларни сотиб олишни сўрамоқда.

Клиникалар рўйхати:

«Asad» клиникаси

• Бир кунлик даволаниш — 2 миллион сўмдан бошланади;
• Манзил: Юнусобод тумани Тикланиш кўчаси 1;
• Телефон: +998(71) 231-19-02.

Hayat клиникаси

• Бир кунлик даволаниш — 3 миллиондан 5 миллион сўмгача бўлиб, беморнинг аҳволига боғлиқ;
• Манзил: Мевазор кўчаси 5/14 (мўлжал — Республика перинатал маркази);
• Телефон: +998 (71) 200-88-66.

Medion тиббиёт маркази

• Бир кунлик даволаниш — 4,5—5,5 миллион сўм;
• Манзил: Шайхонтоҳур тумани Зулфияхоним кўчаси, 18;
• Телефон: +998 (78) 140-00-10.

New Medical Service

• Бир кунлик даволаниш — 2 миллион сўмдан бошланади;
• Манзил: Юнусобод тумани 19-даҳа, Деҳқонобод ва КҲАЙ кўчалари кесишмаси (мўлжал — «Нуроний» санаторияси);
• Телефон: +998 (55) 503-25-30.

Reove

• Бир кунлик даволаниш — 1,5 миллион сўмдан бошланади;
• Манзил: Учтепа тумани 15-даҳа, 22;
• Телефон: +998 (71) 275-01-32.

Shams Medical Center

• Бир кунлик даволаниш — 1,5—3 миллион сўмдан бошланади;
• Манзил: Миробод тумани, Янги Қўйлиқ кўчаси, 16;
• Телефон: +998 (95) 475-00-88.

Star Med Service

• Бир кунлик даволаниш — 2 миллион сўмдан бошланади;
• Манзил: Олмазор тумани, Келес йўли кўчаси, 52;
• Телефон: +998 (71) 230-42-42.

Uni Medical Care

• Бир кунлик даволаниш — 2—2,5 миллион сўмдан бошланади;
• Манзил: Олмазор тумани Фаробий кўчаси, 14 А;
• Телефон: +998 (78) 777-03-03.

Parents Holiday

• Манзил: Тошкент, Янги Олмазор кўчаси, 51;
• Телефон: +998 (71) 228-10-42, 228-11-00, 248-18-18;
• Мазкур клиника нархлар бўйича маълумотларни тақдим этмаган.

Эслатиб ўтамиз, 2021 йилнинг май ойида Республика махсус комиссияси қарорига кўра, нодавлат тиббиёт ташкилотларига шошилинч профилактика ва эпидемияга қарши чоралар кўрилишини талаб қилувчи юқумли касалликлар қаторига киритилган коронавирус инфекцияси билан касалланган беморларга тиббий хизмат кўрсатиш ҳуқуқи, истисно тариқасида, 2022 йилнинг 1 январига қадар узайтирилган эди.Аввалроқ Тошкент ҳокими Жаҳонгир Ортиқхўжаев Чилонзордаги «Атлас» мебеллар марказида ташкил этилган ковид-марказга ташрифида «Бу кетишда бўлса, эртага одамларга жой ҳам қолмайди» деган эди. 18 июль ҳолатига кўра, Ўзбекистонда бир сутка ичида 585 кишида коронавирус, 462 кишида пневмония тасдиқланган, беш бемор вафот этган.