Жорий йилнинг июнь ойида Eriell Group томонидан Jizzakh Petroleum МЧЖ ҚКнинг Фарғона вилоятидаги объектларида илк бор қатламни гидравлик усулда ёриш (ҚГУЁ) амалга оширилди. «Вариқ» конида нефть қатламининг жойлашуви 3600 дан 3800 метргача бўлган, иккита проппант ёрдамида ҚГУЁ амалга оширилди.
Шу тариқа «Вариқ» конида ҚГУЁ ўтказилгандан сўнг, 34-сонли қудуқ дебити суткасига 0,7 метр кубдан 30,6 метр кубга, 38-сонли қудуқники эса суткасига 0,5 метр кубдан 24,6 метр кубгача ошди.
Қатламни гидравлик усулда ёриш (ҚГУЁ) — нефть қазиб олишни жадаллаштириш усули бўлиб, усиз замонавий нефть тармоғини тасаввур қилиш қийин. Унинг ривожланиши АҚШда сланес инқилобига йўл очиб берди, бошқа мамлакатларда эса ҚГУЁ туфайли яқиндагина норентабел ҳисобланган кон ва захираларни ишлаш имкони туғилди.
Eriell халқаро нефть-сервис компаниялар гуруҳи янги технологияларни қўллаш, жумладан, оқимни интенсификация қилиш ва қудуқларни тугатиш соҳасида етакчи ҳисобланади. Ўзбекистон объектларида ҚГУЁ технологиясининг жорий этилиши 2018 йилда бошланган. Ҳозирги вақтгача Eriell Group томонидан Jereh (ХХР) ва ACT (Германия) компаниялари томонидан ишлаб чиқарилган, энг сўнгги русумдаги технологик ускуналар ёрдамида қатламни кислота ва проппант ёрдамида, гидравлик усулида ёриш бўйича 100 дан ортиқ операциялар амалга оширилган. Хорижий мутахассисларни жалб қилган ҳолда илғор технологиялар ва дунё тажрибасини қўллаш, бундай турдаги операцияларни амалга оширишда юксак натижаларга эришиш ва компания активларини ўзлаштириш самарадорлигини ошириш имконини берди.
Eriell компаниялар гуруҳи ва Jizzakh Petroleum
МЧЖ ҚК узоқ муддатли тараққиётни самарали қазиб олиш технологияларини излашга чамбарчас боғламоқда. Нефть олиш коэффициентини ошириш ва аввал ўзлаштириш норентабел бўлган захираларни ишлашга жалб қилиш, компания технологик стратегиясининг муҳим таркибий қисмлари ҳисобланади. Мазкур стратегияни амалга ошириш бугуннинг ўзидаёқ келгусида бошқа лойиҳаларни амалга оширишда қўлланилиши мумкин бўлган, нефть чиқариб олишни оширишнинг илғор усулларидан фойдаланиш имконини бермоқда.
Маълумот учун
Қатламни гидравлик усулда ёриш (ҚГУЁ) —нефть қазиб олишни интенсификасия қилиш усули. Бунда юқори босим остида қатламга суюқлик аралашмаси ва махсус пайвандлаш агенти (проппант) юборилади. Аралашмани юбориш жараёнида қудуқ устуни ва қатламни боғловчи ўтказувчанлиги юқори бўлган каналлар (ҚГУЁ ёриқлари) шаклланади. Бу ёриқлар орқали бошқача йўл билан қудуққа туша олмаслиги мумкин бўлган нефть оқими таъминланади. Кўп босқичли ҚГУЁ’да (ҚБҚГУЁ) горизонтал қудуқнинг бир устунида бир нечта гидравлик ёриш операциялари амалга оширилади. Шу тариқа, қатламни битта қудуқ билан қамраб олиш ҳудудининг бир неча баробар ортиши таъминланади.
Проппант — қудуқда ҚГУЁ ўтказилгандан сўнг ёриқни очиқ ҳолатда ушлаш учун зарур бўлган сунъий пайвандлаш агенти.
Eriell Group матбуот хизмати
Изоҳ (0)