Меган Маркл ва шаҳзода Гаррининг Archewell Productions компанияси эндиликда анимацияни ҳам қўллаб-қувватламоқда. Маркл ҳақиқатда тарихда бўлган аёллардан илҳомланган 12 ёшли қизчанинг саргузаштлари ҳақида сўзловчи «Перл» лойиҳасида иштирок этади, деб хабар беради «Film.ru».
Релизда Меган Сассекс герцогиняси сифатида кўрсатилган бўлиб, у билан бирга продюсерлар қаторидан Дэвид Фёрниш («Рокетмен»), Кэролайн Сопер («Рапунцель») ва бошқа таниқли кинематографлар ўрин олган. Мультсериалнинг ижрочи продюсерига эса Аманда Ринда («Фравити Фолз») айланган.
«Унинг ёшидаги кўплаб қизалоқлар каби қаҳрамонимиз Перл ҳам ўзликни англаш бўйича саёҳатга отланади ва кундалик чақириқларга қарши туширга уринади», — дейди Маркл.
Лойиҳа эр-хотин контент борасида эксклюзив шартнома имзолаган Netflix стриминг сервисида тақдим этилади. Ҳозирча «Перл»га оид бошқа маълумотлар ошкор қилинмаган.
Эслатиб ўтамиз, 2021 йилнинг апрелида шаҳзода Гарри Меган Маркл билан биргаликдаги Netflix учун биринчи лойиҳасини эълон қилганди. Invictus Games — «Мағлубиятсиз ўйинлар» лойиҳаси иштирокчилар билан биргаликдаги кўп қисмли ҳужжатли сериал бўлади.
Изоҳ (0)