Асов отни жиловлаётган аёл, Ғазодаги ҳарбий ёзги лагер, Токиодаги ҳақиқатга айланувчи туш. 16 июль суратлари

Бу йил ҳам Мюнхенда Октоберфест фестивали бекор қилингани сабабли байрамона кайфият улашиш учун шаҳар марказида аттракционлар ўрнатилди.

Фото: Getty Images

Тошкентда 16-июль куни бўлиб ўтган «Марказий ва Жанубий Осиё: минтақавий ўзаро боғлиқлик. Таҳдидлар ва имкониятлар» халқаро конференциясининг ялпи ва шўъба мажлисларида савдо-иқтисодий, транспорт-коммуникацион ва маданий-гуманитар соҳаларда минтақавий боғлиқликни янада мустаҳкамлашга қаратилган имконият ва ташаббуслар муҳокама қилинди. Суратда Ўзбекистон ташқи ишлар вазири Абдулазиз Комилов ялпи мажлиснинг биринчи секциясига модераторлик қилишдан аввал ҳозирлик кўрмоқда.

Фото: «Дарё» / Мадина Нурман

Тунисда Қурбон ҳайити байрамига тайёргарлик кўрилмоқда. Чорва бозорлари қурбонлик қилиниши жоиз бўлган ҳайвонлар билан тўлган.

Фото: Getty Images

Тошкентда 16 июль куни бўлиб ўтган «Марказий ва Жанубий Осиё: минтақавий ўзаро боғлиқлик. Таҳдидлар ва имкониятлар» халқаро конференциясига келган Туркия ташқи ишлар вазири Мевлут Чавушўғлу ўзбекистонлик журналистларга интервью бермоқда.

Фото: «Дарё» / Мадина Нурман

Шанхайда Хитой Халқаро комикслар ва ўйинлар кўргазмаси очилди.

Фото: EPA

Ўзбекистоннинг Туркиядаги фавқулодда ва мухтор элчиси Алишер Аъзамхўжаев Тошкентда 16 июль куни бўлиб ўтган «Марказий ва Жанубий Осиё: минтақавий ўзаро боғлиқлик. Таҳдидлар ва имкониятлар» халқаро конференциясида модераторни ўйга толиб тингламоқда.

Фото: «Дарё» / Мадина Нурман

Ғазодаги ёшлар учун ёзги ҳарбий лагерда тарбияланаётган фаластинлик.

Фото: EPA

Ўзбекистон олий таълим вазири Абдуқодир Тошқулов Тошкентда 16 июль куни бўлиб ўтган «Марказий ва Жанубий Осиё: минтақавий ўзаро боғлиқлик. Таҳдидлар ва имкониятлар» халқаро конференциясидан аввал Лариса Буракованинг «Грузия муваффақиятга қандай эришди?» китобини дипломатига солиб қўймоқда.

Фото: «Дарё» / Мадина Нурман

Тарту шаҳрида Rally Estonia пойгалари бошланди.

Фото: «ТАСС»

Германияда кучли ёмғир ва сув тошқини оқибатида юзага келган кўчки.

Фото: EPA

Кашмирдаги Ширинагар шаҳрида жангарилар ва Ҳиндистон ҳарбий кучлари ўртасида отишма пайтида шикаст етган уйнинг ичига қараётган аёл.

Фото: Shutterstock

Швейцариянинг Берн шаҳрида кучли ёмғир туфайли Аре дарёси тошиб кетди. Оқибатда шаҳар кўчалари сув билан тўлди.

Фото: EPA

Бельгиянинг Вервье шаҳридаги бўрон оқибатида зарар кўрган уй.

Фото: Reuters

Мумбайдаги кучли ёғингарчиликдан кейин сув босган кўчада юриб кетаётган ёмғирпўш кийган йигит. Ҳиндистонда муссонлар мавсуми бошланди.

Фото: Reuters

«Масаюме» деб номланган лойиҳанинг бир қисми сифатида Токионинг Ёёги боғи устида учаётган ҳаво шари. «Масаюме» япон тилидан таржима қилганда ҳақиқатга айланадиган туш маъносини беради.

Фото: AFP

Флоридадаги 12 қаватли бино қулаши оқибатида қурбон бўлганлар хотирасига мотам тутилмоқда.

Фото: AP Photo

Германиядаги Ҳаген шаҳри яқинидаги Волум дарёси тошганидан кейин шаҳар ариқларида ётган балиқлар.

Фото: Getty Images

Глазгода Индиана Жонс ҳақидаги бешинчи фильмнинг суратга олиш ишлари давом этмоқда.

Фото: Getty Images

Пекиндаги Тяньаньмэнь дарвозаси ёнидаги «Қизил девор»да суратга тушаётган ташриф буюрувчилар.

Фото: «ТАСС»

Чавандоз Шелби Пирсон Канаданинг Калгари шаҳрида родоэ (асов от ёки буқани жиловлашга қаратилган спорт тури) билан шуғулланяпти.

Фото: «ТАСС»

Францияда Tour de France велопойгасининг ўн тўққизинчи босқичи ўтказилмоқда.

Фото: EPA

Техас штатида Вильям Кинг III сайловларда овоз беришни қийинлаштирадиган республикачиларнинг қонунларига қарши норозилик пайтида губернатор Грег Абботтнинг олдида тиз чўкмоқда.

Фото: AP Photo