Qashqadaryo viloyat hokimligida 15 ta avtomashina mavjud bo‘lib, ular xizmat va navbatchilik avtomashinalari hisoblanadi. Bu haqda viloyat hokimligi axborot xizmati ma’lum qildi.
Qayd etilishicha, hokimlik mulkdor (muassis, aksiyador, ishtirokchi) bo‘lgan davlat ishtirokidagi korxonalar mavjud emas.
Hokimlik balansida Qarshi shahrida 4 va 5 qavatli ma’muriy binolar, avtosaroy, sog‘lomlashtirish markazi, Muborak tumani markazida 2 xonali 1 ta turar joy va Qarshi tumani “Chovqay” massivida 8 ta xizmat uyi mavjudligi ma’lum qilingan.
Bundan avval O‘zbekistonda davlat xizmatchilarining daromadlari va mol-mulkini majburiy deklaratsiya qilish tizimi 2022-yil 1-yanvardan joriy etilishi, Akmal Burhonov Prezident va bosh vazir ham yil davomida topgan daromadini deklaratsiyalashi rejalashtirilayotganini aytgani hamda O‘zbekistonda manfaatlar to‘qnashuvi uchun jinoiy javobgarlik belgilanishi kutilayotgani haqida xabar berilgandi.
Izoh (0)