Давлат активларини бошқариш агентлиги Тошкентнинг Тарас Шевченко кўчасида жойлашган Геология музейи биносини аукционга қўйди, деб хабар беради Spot.
Нашр маълумотларига кўра, музей ҳозирда Геология фанлари университети кампуси қурилаётган Мирзо Улуғбек туманига кўчмоқда. 2020 йилнинг 31 январь куни Президент янги ОТМ пойдеворига биринчи тошни қўйган эди.
Музей 2010 йиллар бошидан буён эгаллаб турган бино 1928 йилда қурилган. Ер участкасининг умумий майдони 1140 квадрат метр, иншоот майдони 714 квадрат метр, барча иншоотлар билан биргаликдаги умумий майдони эса 2873 квадрат метрни ташкил этади. Канализация, электр энергияси, газ ва сув тармоқларига уланган.
Объектнинг бошланғич нархи 27,6 миллиард сўм деб белгиланган. Аризалар 7 августгача қабул қилинади, савдолар 9 август куни бўлиб ўтади.
Аввалроқ Coca-Cola Uzbekistan’даги давлат улуши сотилишининг учинчи босқичи якунлангани, «Оҳангаронцемент»нинг 84,19 фоиз улуши Кипр компанияси ихтиёрига ўтгани ҳамда Тимур Ишметов 2021 йил якунигача Ўзбекистондаги яна бир йирик банк хусусийлаштирилишини айтгани ҳақида хабар берилганди.
Мавзуга доир: Шавкат Мирзиёев Тошкентдаги 13 та йирик кўчмас объектни сотувга чиқариш зарурлигини таъкидлади
Изоҳ (0)