Тошкент шаҳри Олмазор туманида «колодец»га тушиб, ҳаво етишмаслиги оқибатида аҳволи ёмонлашган фуқароларга ёрдам кўрсатилди, дея хабар қилмоқда шаҳар Фавқулодда вазиятлар бошқармаси.
Қайд этилишича, 8 июль куни, тахминан, соат 16:55 ларда Олмазор тумани, Чуқурсой кўчасида жойлашган «Логистика юк тушириш маркази» ҳудудида мавжуд чуқурликни (колодец) тозалаш мақсадида тушган икки нафар фуқаронинг ҳаво етишмаслиги оқибатида аҳволи оғирлашган.
Олиб борилган тезкор ҳаракатлар натижасида Тошкент шаҳар Фавқулодда вазиятлар бошқармаси қутқарув гуруҳи томонидан фуқаролар чуқурдан олиб чиқилиб, тез тиббий ёрдам кўрсатиш ходимларига топширилган.
Бундан аввал ФВВ ходимлари Жиззахда қудуққа тушиб кетган сигирни қутқаргани, Андижонда хандақ қазиётганда тупроқ босиб қолган фуқаро қутқарилгани ҳамда Тошкент ва Самарқанд вилоятида қудуққа тушиб кетган фуқаролар қутқариб олингани ҳақида хабар берилганди.
Изоҳ (0)