Бугун,

  • USD 11095.31
  • RUB 173.84
  • EUR 10772.44

Яқинда Президент томонидан имзоланган фармон билан коррупцион жиноятга қўл урган шахсларга нисбатан жавобгарликни оғирлаштириш кутилмоқда. Бу ҳақда 9 июль, жума куни АОКАда ўтказилган матбуот анжуманида Олий суд раиси ўринбосари Икром Муслимов таъкидлаб ўтди, дея хабар бермоқда «Дарё» мухбири.

Фото: «Дарё»/ Мадина Нурман

Фото: «Дарё»/ Мадина Нурман

«Кўпчиликда коррупцияга оид жиноят содир этган шахсларга нисбатан жиноий жазони ўташдан енгиллаштирувчи нормаларни қўллашга чеклов белгилаш деганда нимани тушунамиз, деган савол туғилиши мумкин.

Бизнинг жиноят кодексимиз ўзининг либераллиги билан танилган. Айтайлик, жиноят содир қилган шахсга нисбатан тайинланган жазони жиноятнинг оғирлик даражаси ва жазонинг миқдоридан келиб чиқиб, маҳкум жазонинг муайян муддатини ўтаган, бу жараёнда тузалиш йўлига ўтган тақдирда, жазонинг ўталмай қолган қисмини манзил колониясида ўташи ёки ахлоқ тузатиш ишларига алмаштирилиши мумкин. Шунингдек, шартли равишда жазонинг қолган қисмини ўташдан озод қилиниши ҳам белгиланади», — деди Муслимов.

Унинг қайд этишича, шу сабабли кўп ҳолларда озодликдан маҳрум қилинган шахсларнинг белгиланган жазо муддатидан олдин қамоқдан чиқиш ҳолатлари учраб туради. Бу эса адолат принципига тўғри келади.

«Бироқ коррупцион жиноятлар шу даражада оғир жиноятлар ҳисобланишини инобатга олган ҳолда, мана шу чекловларни коррупцион жиноят содир қилган шахсларга қўлламаслик масаласи қўйилаётганлиги ҳам бугунги кунда масаланинг долзарблигидир. Ва бу охирги зарурат сифатида белгиланиши лозим бўладики, мана шундай жиноятни содир этган шахсни кўрган бошқа мансабдор ўзига хулоса чиқаради, деган фикрдамиз.

Бундан ташқари, Президент фармони билан айнан коррупцион жиноятга қўл урган шахсларга нисбатан жавобгарликни оғирлаштириш масаласи ҳам қўйилган. Фармон ижросини таъминлашда қонунларга тегишли ўзгартириш ва қўшимчалар киритиш йўли билан бугунги кундаги амалиётни ўрганган ҳолда, фармонда белгиланган вазифаларни ҳам ўз вақтида бажарамиз», — деди Олий суд раиси ўринбосари.

Изоҳ
Асосий янгиликлар
Дунё
Охирги 100 йил ичида содир бўлган дунёдаги энг кучли 10 та зилзила (видео+фото)
Дунё
Польша бош вазири Украинадаги уруш учинчи жаҳон урушига айланишини прогноз қилди
Маҳаллий
Ўзбекистонда доллар курси яна ошди