Ўзбекистонда 8 июль куни 482 кишида коронавирус аниқланиб, мамлакатда COVID-19 расман қайд этилганлар сони 115 011 нафарга етди, деб хабар бермоқда Соғлиқни сақлаш вазирлиги.
Янги касалланиш ҳолатларининг
- 28 нафари Қорақалпоғистон Республикасида,
- 18 нафари Андижон вилоятида,
- 13 нафари Бухоро вилоятида,
- 41 нафари Жиззах вилоятида,
- 19 нафари Қашқадарё вилоятида,
- 12 нафари Навоий вилоятида,
- 23 нафари Наманган вилоятида,
- 33 нафари Самарқанд вилоятида,
- 19 нафари Сирдарё вилоятида,
- 26 нафари Сурхондарё вилоятида,
- 32 нафари Фарғона вилоятида,
- 22 нафари Хоразм вилоятида,
- 49 нафари Тошкент вилоятида,
- 147 нафари Тошкент шаҳрида
Вазирликнинг қайд этишича, сўнгги суткада жами 336 киши — Андижонда 70 нафар, Бухорода 14 нафар, Жиззахда 85 нафар, Навоийда 4 нафар, Сирдарёда 28 нафар, Фарғонада 65 нафар, Тошкент вилоятида 52 нафар ва Тошкент шаҳрида 18 нафар бемор тузалиб, касалликдан соғайганлар 110 377 нафарга етди ва соғайиш кўрсаткичи 96 фоизни ташкил этмоқда.
Шунингдек, 4 нафар коронавирусга чалинган бемор вафот этиб, касалликдан вафот этганлар сони 764 нафарни ташкил қиляпти.
Аввалроқ Олий Мажлис депутати Абдураҳим Қурбонов 47 ёшида коронавирус асоратларидан вафот этгани, Тошкентда аҳолини эмлаш учун мобил автобуслар йўлга қўйилгани тўғрисида хабар берилганди.
Изоҳ (0)