Ўзбекистон Президентининг «Ўзбекистон Республикаси Президентининг ва Ўзбекистон Республикаси ҳукуматининг айрим ҳужжатларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида»ги ПФ-6258-сон фармони қабул қилинди.
Мазкур фармонда қуйидагилар назарда тутилган:
- давлат активларини сотишдан тушадиган маблағларнинг бюджетга йўналтириладиган қисмини амалдаги 73 фоиздан 87 фоизга ошириш;
- алоҳида қарорлар асосида хусусийлаштиришдан тушадиган маблағларнинг йирик компанияларга ўтказиладиган қисмини бюджетга йўналтириш;
- ҳокимликлар қарори билан сотилган объектлардан тушадиган маблағларнинг бюджетга йўналтириладиган қисмини 73 фоиздан 87 фоизга ошириш ва уни тегишли вилоят, туман (шаҳар) бюджетларига тенг улушларда йўналтириш;
- давлат активларини «1 сўм» бошланғич қийматда савдоларга чиқариш амалиётини бекор қилиш.
- давлат бюджетига, шу жумладан, туман ва шаҳарлар маҳаллий бюджетларига тушумларнинг кўпайишига;
- вилоят, туман ва шаҳарлар ҳокимликларининг хусусийлаштиришдан манфаатдорлигини оширишга;
- давлат активини бозор қийматида сотилишига ва коррупцион хатти-ҳаракатларнинг олдини олишга хизмат қилиши таъкидланган.
Шунингдек, 2021 йилда 900 дан ортиқ давлат мулки сотувга қўйилиши маълум қилинганди.
Изоҳ (0)