Ўзбекистон ташқи ишлар вазири Абдулазиз Комилов 2021 йилнинг 9 июль куни Россия ташқи ишлар вазири Сергей Лавров билан телефон орқали мулоқот қилди. Бу ҳақда вазирлик расмий вакили хабар қилди.

Фото: «ТАСС»

Суҳбат чоғида Ўзбекистон—Россия ҳамкорлиги масалалари муҳокама қилинди. Минтақавий хавфсизлик, жумладан, Афғонистондаги вазият юзасидан фикр алмашилди.

Россия томонининг «Марказий ва Жанубий Осиё: минтақавий боғлиқлик. Таҳдидлар ва имкониятлар» мавзусидаги халқаро конференциядаги иштирокига алоҳида эътибор қаратилди.

Бундан аввал Марказий Осиё ТИВ раҳбарлари Афғонистондаги вазиятни муҳокама қилгани, Шавкат Мирзиёев Владимир Путин билан Афғонистоннинг шимолий ҳудудларидаги вазиятни муҳокама қилгани ҳамда Шавкат Мирзиёев ва Эмомали Раҳмон Афғонистондаги кескинликнинг кучайиши билан боғлиқ вазиятни муҳокама қилгани ҳақида хабар берилганди.