Хоразм вилояти Урганч шаҳрида бир гуруҳ аёллар жанжаллашди, дея хабар бермоқда вилоят ИИБ матбуот хизмати.
Маълум қилинишича, 2021 йилнинг 8 июль куни ижтимоий тармоқларда бир гуруҳ аёлларнинг ўзаро жанжаллашаётганлиги акс этган видеолавҳа тарқалган бўлиб, ушбу нохуш ҳолат шу куни Урганч шаҳридаги «Жалолиддин Мангуберди» номли маҳаллада содир бўлган.
Дастлабки суриштирув натижаларига кўра «Жалолиддин Мангуберди» маҳалласида яшовчи опа-сингиллар — 1986 йилда туғилган Н.М. ва 1988 йилда туғилган Д.М. Урганч шаҳрининг «Байналмилалчи» маҳалласида яшовчи, 1999 йилда туғилган М.О. билан ўзаро келишмовчилик сабабли жанжаллашганлиги маълум бўлди.
Ҳозирги кунда ҳолат юзасидан Урганч шаҳар ИИО ФМБ томонидан терговга қадар текширув ҳаракатлари олиб борилмоқда.
Бундан аввал Бухорода профилактика инспекторини урган эркакка нисбатан жиноят иши қўзғатилгани, Ургутда «Жигули» ва Captiva ҳайдовчилари бир-бирига йўл бермаслиги оқибатида жанжал келиб чиққани ҳамда Косонда тўполон кўтарган хотин-қизлар майда безорилик ва карантин қоидаларини бузишда айблангани ҳақида хабар қилинганди.
Изоҳ (0)