Каспий денгизининг Озарбайжон томонида портлаш юз берди (видео)

Каспий денгизида портлаш юз берди, деб ёзади «Коммерсантъ». Дастлаб ОАВлар «Умид» газ платформасида ёнғин содир бўлгани ҳақида ёзганди, аммо Озарбайжоннинг SOCAR давлат нефть компанияси ва ҳукумати буни рад этмоқда. Нефть компанияси фикрича, денгиздаги портлашга балчиқ вулқони отилиши сабаб бўлган бўлиши мумкин.

«SOCAR назорати остидаги денгиз платформаларида ва саноат объектларида авариялар бўлгани йўқ, иш одатий режимда давом этмоқда», — дейилади нефть компанияси хабарида.

SOCAR талқинини «Умид» платформасида олинган видео ҳам тасдиқламоқда.

Video footage from the nearest platform (allegedly "Umid") to the explosion that occured in #Caspian Sea pic.twitter.com/E8628064MY

— Zumrud Pashkin 💙💛 (@ZumrudPashkin) July 4, 2021

Озарбайжон Фавқулодда вазиятлар вазирлиги Каспий денгизидаги портлаш юзасидан суриштирув бошлади. Шу билан бирга, муассасада қайд этишларича, «мамлакатда денгиздаги нефть ёки саноат объектларида юз берган қандайдир фавқулодда вазиятлар ҳақида маълумот» келиб тушмаган.

Республика Экология ва табиий ресурслар вазирлиги Facebook’даги саҳифасида маълум қилишича, денгиздаги портлашга вулқон отилиши сабаб бўлган. Текширув идора ҳамда республика сейсмология хизмати маркази мутахассислари томонидан олиб борилмоқда.

Марказ раҳбари Гурбан Етирмишли Каспий денгизида балчиқ вулқони отила бошлаганини айтди. «Каспий денгизида балчиқ вулқонлари кўп, эҳтимол, улардан бири отилишни бошлаган», — деган у.