Жонс Ҳопкинс университети маълумотларига қараганда, дунёда COVID-19’га чалинганлар сони 183 794 396 кишига етди. Вафот этганлар сони 3 977 172 тани ташкил қилмоқда. Касалланиш ҳолатларининг кўплиги бўйича АҚШ (33,7 миллион), Ҳиндистон (30,5 миллион), Бразилия (18,7 миллион), Франция (5,8 миллион) ва Россия (5,5 миллион) энг олдинда бормоқда.
2021 йилги АҚШ Мустақиллик куни (4 июль) шуниси билан аҳамиятли бўлдики, мамлакат коронавирус пандемиясидан кейин нормал ҳаётга қайтишни бошлади. Бу ҳақда АҚШ президенти Жо Байден айтиб ўтди.
«Бу йил 4 июль — нишонлаш учун ўзига хос кун, чунки биз қоронғиликдан… пандемия ва изоляциядан, оғриқдан, қўрқув ва талафотлардан чиқяпмиз», — деди Байден Оқ уйдаги байрам зиёфати чоғида.
Вирус узил-кесил мағлубиятга учрамаган бўлса-да, у энди ҳаётларимизни бошқармаяпти ва мамлакатимизни фалажлаб қўймаяпти, деди президент. «Бу ҳалокатли вирус устидан ғалаба қозондик деб айтишга бугун биз ҳар қачонгидан ҳам яқинроқ турибмиз», — деди у.
Бунинг тасдиғи сифатида Байден мамлакатда ишчи ўринлари кўпаяётгани, корхоналар фаолияти қайта тикланаётгани, иқтисодиёт ўсаётганини айтиб ўтди.
Францияда кетма-кет беш кундан буён коронавирусга чалиниш ҳолатларининг кўпайиши кузатилмоқда. Бу жуда юқумли бўлган дельта вариант билан боғлиқдир.Мамлакат соғлиқни сақлаш вазири Оливье Веран айтишича, коронавируснинг янги тўлқини июль охиридаёқ юз бериши мумкин. Шу сабабли у тўлқиннинг оқибатларини юмшатиш учун фуқароларни чеклов чораларига риоя қилишга, эмланишга ва инфекцияга нисбатан тест топширишга чақирди.
«Вакцинациядан кейин биз камроқ касалланамиз, вирусни анча кам ташиймиз ва бошқа стресс шароитида яшамаймиз. Жамоавий иммунитетга эришиш — бу жамоавий чақириқ, келинглар, буни биргаликда қиламиз!» — деди вазир.
Мавзуга доир: Ҳиндистонда Тожмаҳал очилди, Францияда ниқоб режими юмшатилди, Украинада карантин ёз охиригача узайтирилди. Коронахабарлар
Беттелнинг COVID-19’ни юқтиргани 27 июнь куни маълум бўлди. У COVID-19’га топширган иккала тест ҳам мусбат натижа берган. Мамлакат Соғлиқни сақлаш вазирлиги тавсияларига мувофиқ, Беттель ўз-ўзини яккалаш режимига ўтди.
Бош вазир 6 май куни AstraZeneca вакцинасининг биринчи компонентини қабул қилган эди. Евроиттифоқ саммити чоғида у барча эҳтиёт чораларига риоя қилган, учрашувнинг бирорта ҳам иштирокчиси у яқиндан мулоқот қилган одамлар рўйхатига кирмаган.
Эрон ҳукумати мамлакатда коронавируснинг дельта штамми тарқалиши муносабати билан бир қатор чеклов чораларини қайта тикламоқда.Хусусан, коронавирус тарқалиши анча жиддий бўлган ҳамда COVID-19 хавфи юқори бўлган ҳудудларда биринчи даражали аҳамиятга эга бўлмаган тижорат корхоналари ёпилади. 275 та шаҳарда, шу жумладан, Теҳронда барча жамоат боғлари, ресторанлар, қандолатхоналар, гўзаллик салонлари, савдо марказлари, китоб дўконлари ҳам ёпилади.
Шунингдек, касалланиш даражаси юқори бўлган шаҳарлараро кўчиб юриш тақиқланди.
Изоҳ (0)