Кипрда жуда кучли ўрмон ёнғинлари содир бўлмоқда, ҳукумат уларни мамлакат тарихидаги энг йириги деб атамоқда — 50 квадрат километрдан ортиқ майдонни олов қамраб олган, деб ёзади «РБК». Кипр ҳукумати халқаро ҳамжамиятга ёрдам сўраб мурожаат қилди.
Кипр президенти Никос Анастасиадас ўт ўчирувчи самолётларини юборишга ваъда берган Греция ва Исроилга миннатдорлик билдирди, шунингдек, Италия ҳам ўз самолётларини жўнатади.
Еврокомиссия Кипрга кўмак бериш режасини ишлаб чиқаётганини, шу жумладан, ўт ўчирувчи самолётларни йўналтириш имкониятини кўриб чиқаётганини маълум қилди.
Ўрмон ёнғинлари оқибатида тўрт киши ҳалок бўлди. Ҳукумат фикрича, ёнғинга кимдир ўт қўйиб юборгани сабаб бўлган.
Шамол кучайиши ортидан олов Кипр жанубидаги Лимасола ҳудудида кенгайиб бормоқда. Бир нечта қишлоқларни эвакуация қилишга тўғри келди. Ўнлаб уйларга зарар етди, қурбонлар ҳақида эса хабарлар келиб тушганича йўқ.
Бир ҳафтадан буён Кипрда 40 даражали жазирама давом этмоқда. Экспертлар огоҳлантиришича, иқлим ўзгариб боргани сари, ҳарорат бўйича рекордлар тобора кўпроқ қайд этила бошлайди.
Айни пайтда ўт ўчирувчилар оловнинг тоғли туманларга ва Махарес ўрмонига тарқалиб кетишига йўл қўймасликка уринмоқда.
Изоҳ (0)