Бўстонлиқда Lacetti дарахтга бориб урилиши оқибатида бир киши вафот этди
Тошкент вилоятининг Бўстонлиқ туманида Lacetti дарахтга бориб урилиши оқибатида йўловчи вафот этди. Бу ҳақда ЙҲХББ матбуот хизмати хабар берди.
Воқеа 28 июнь куни туман ҳудудидан ўтган 4Р-12 автомобиль йўлининг 47-километрида юз берган. Ҳайдовчи Lacetti’ни бошқариб бораётганида рул бошқарувини йўқотиб, йўлнинг ўнг томонидаги дарахтга бориб урилган.
Оқибатда йўловчи, 1991 йилда туғилган Ж.М. туман тиббиёт бирлашмаси жонлантириш бўлимида вафот этган ҳамда икки нафар йўловчиси шифохонага ётқизилган.
Қайд этилишича, мазкур ЙТҲ юзасидан Бўстонлиқ туман ИИБ ҳузуридаги ТБ томонидан тергов ҳаракатлари олиб борилмоқда.
Аввалроқ Тошкентда катта тезликда ҳаракатланган Lacetti бетон симёғочга урилгани, Самарқандда Damas ва автобус тўқнашуви оқибатида икки йўловчи ҳалок бўлгани ҳақида хабар берилган эди.
