Давлат статистика қўмитаси июнь ойида анъанавий равишда дефляцияни қайд этди, деб хабар бермоқда Spot Давлат статистика қўмитаси маълумотларига таяниб.
Маълум қилинишича, Ўзбекистон истеъмол бозоридаги товарлар ва хизматлар июнь ойида ўртача 0,2 фоизга арзонлашди. 2021 йил бошидан эса улар 4,4 фоизга қимматлаган.
Ушбу ҳолат, асосан, мавсумий омил ҳамда мева ва сабзавотлар нархи арзонлашгани билан тавсифланади. 2020 йилда ҳам, 2019 йилда ҳам шундай бўлган.
Озиқ-овқат маҳсулотлари 0,9 фоизга арзонлади, ноозиқ-овқат маҳсулотлар 0,5 фоизга, хизматлар эса 0,2 фоизга қимматлади.
Марказий банк 2021 йилда инфляция 10 фоиз атрофида бўлишини прогноз қилганди. Ҳозирча бу тахмин ўзини оқламоқда.
Spot’нинг ёзишича, 10 фоиз — инфляциянинг 2017 йилдан буён энг паст кўрсаткичи. Бунга қадар у ўнлаб йиллар давомида 3-5 фоизни ташкил этган, бироқ ушбу рақамлар шубҳали.
Давлат бюджети тўғрисидаги қонуннинг асосий макроиқтисодий кўрсаткичлар ривожланиш прогнозига кўра, инфляция 2022 йилда 10-11 фоиз, 2023 йилда 7-8 фоиз бўлади. Бу инфляцияни 2022 йилда 8 фоизгача, 2023 йилда эса 5 фоизгача пасайтиришни режалаштирган Марказий банк прогнозларидан фарқ қилади.
Изоҳ (0)