Покистон бош вазири Имрон Хон 2021 йилнинг июлида илк бор Ўзбекистонга ташриф буюради, деб хабар беради «Yuz.uz» нашри.

Таъкидланишича, ташрифдан мақсад — икки томонлама савдо-иқтисодий алоқаларни кенгайтириш.

Қайд этилишича, Покистон учун Ўзбекистон Марказий Осиёнинг бошқа мамлакатлари учун дарвозага айланади. Бунинг эвазига Покистон Ўзбекистонга ўз портини халқаро денгиз йўлларига чиқиш учун таклиф қилиши мумкин.

Эслатиб ўтамиз, 2021 йилнинг апрель ўрталарида Ўзбекистон Президенти Шавкат Мирзиёев Имрон Хон билан видеоанжуман шаклида учрашув ўтказган эди. Онлайн учрашувда Ўзбекистон ва Покистон ўртасидаги шериклик ва амалий ҳамкорликни кенгайтиришнинг асосий вазифалари батафсил кўриб чиқилган ва биринчи галдаги чоралар белгилаб олинганди.