Шавкат Мирзиёев раислигида 1 июль куни давлат активларини хусусийлаштириш соҳасидаги ишлар натижадорлиги ва келгусидаги устувор вазифалар муҳокамаси юзасидан видеоселектор йиғилиши ўтказилди. Бу ҳақда Президент матбуот хизмати хабар қилди.
Хусусийлаштириш – муҳим иқтисодий тадбирлардан бири. Бу нафақат бюджетга тушумни таъминлайди, балки янги инвестиция лойиҳалари, иш ўринлари ва қўшилган қиймат учун пойдевор бўлиб хизмат қилади. Чунки тадбиркорлик ривожи учун энг зарур шароит, аввало, ер, бино ва инфратузилмадир.
Шу боис хусусийлаштириш масаласи иқтисодий ислоҳотларнинг асосий йўналишларидан бири этиб белгиланган. 2021- ва келгуси йилда давлат улуши бўлган корхоналар сонини камида 3 баробар қисқартириш бўйича иш олиб борилмоқда. Бу ислоҳотлар дунёдаги нуфузли экспертлар ва оммавий ахборот воситалари томонидан ҳам эътироф этилмоқда.
2020 йил 27 октябрда Президентнинг «Давлат иштирокидаги корхоналарни ислоҳ қилишни жадаллаштириш ҳамда давлат активларини хусусийлаштиришга оид чора-тадбирлар тўғрисида»ги фармони қабул қилинган эди. Бу борадаги ишлар ўз самарасини бериб, жорий йилнинг биринчи ярмида 478 та давлат мулки 1 триллион 100 миллиард сўмга сотилди.
Лекин бу борада қилинадиган ишлар ҳали кўп. Хусусан, сотилиши белгиланган 556 та мулкдан 288 таси савдоларга чиқарилмаган. Шунингдек, давлат корхоналари ва банклар ихтиёрида уларнинг асосий фаолиятига хос бўлмаган 511 та объект ҳалигача сотилмасдан турибди.
Мавзуга доир:
- «Ер сотилмайди!». «Шаҳидлар хотираси» ёдгорлик мажмуаси шаҳар ерларини сотиш эвазига таъмирланиши ҳақидаги хабарларга муносабат билдирилди
- Қаршида фермернинг режадан ортиқча ғалласи ИИБ ва Миллий гвардия ходимлари иштирокида тортиб олинди
- Сенат Тошкент вилоятидаги туман ва шаҳарлар чегарасини ўзгартириш бўйича қарорни маъқуллади
Изоҳ (0)