Тошкент вилоятининг Оққўрғон туманида таъмирлаш ишлари туфайли газ таъминоти вақтинча тўхтатилади, деб хабар беради вилоят ҳокимлиги матбуот хизмати.
Маълум қилинишича, туманда 2021—2022 йил куз—қиш мавсумига тайёргарлик кўриш, юқори ва ўрта босимли газ қувурларини зичликка синаш ишларини олиб борилмоқда. Шу сабабли 28 июнь соат 08:00 дан 30 июнь куни соат 17:00 га қадар Оққўрғон туманининг жами 21 та МФЙларидаги табиий газдан фойдаланаётган 14 106 аҳоли хонадонларида ва 186 та улгуржи ташкилотларида табиий газ таъминоти тўхтатилади.
Табиий газ ўчирилиши муносабати билан фуқаролардан ўз хонадонларидаги газ жиҳозларини назоратсиз қолдирмаслик сўралади.
Таъкидланишича, таъмирлаш ишлари тугатилгандан сўнг, табиий газ таъминоти қайта тикланади.
«Ҳудудгаз Тошкент» газ таъминоти филиали таъмирлаш ишлари туфайли етказилаётган ноқулайликлар учун туман аҳолиси ва газ истеъмолчиларидан узр сўрайди.
Аввалроқ Чилонзор ва Бектемир туманларининг айрим ҳудудларида газ таъминоти вақтинча ўчирилгани тўғрисида хабар берилганди.
Изоҳ (0)