Тошкент вилоятининг Зангиота туманидаги ўқув қуроллари сотиладиган «Солнечний» бозори яқинидаги ёғ заводида ёнғин юз бергани ҳақида хабар берилган эди. ФВВ ҳолат юзасидан расмий маълумот берди.
Қайд этилишича, 27 июнь куни соат 14:37да Тошкент вилояти Фавқулодда вазиятлар бошқармасига Зангиота туманида жойлашган «Касби ёғ» МЧЖга қарашли корхонанинг том қисмида ёнғин бўлаётгани тўғрисида хабар келиб тушган.
Олиб борилган амалий ишлар натижасида корхонанинг асосий қисми ёнғиндан сақлаб қолинган.
Ҳодиса оқибатида жабрланганлар ва ҳалок бўлганлар йўқ. Ҳозирда ёнғин сабаби ва келтирилган зарар миқдори аниқланмоқда.
Бундан аввал Зангиотадаги хонадонларнинг бирида ёнғин содир бўлгани, Самарқандда ғалласи ўриб олинган 3 гектар ер ёниб кетгани, Тошкент шаҳри Яшнобод туманида жойлашган кафе ва унга туташ бўлган уйда ёнғин содир бўлгани ҳақида хабар берилган эди.
Изоҳ (0)