27 июнь тахминан соат 13:00 ларда Ангрен шаҳар ИИБ Пост-патруль хизмати ва жамоат тартибини сақлаш гуруҳи ходими ўз жонига қасд қилди, деб хабар беради ИИВ ахборот хизмати.
Маълум қилинишича, 1987 йилда туғилган сафдор Бекзод Бобомирзаев Ангрен шаҳар ИИБнинг 4-қаватида ўзига бириктирилган «ПМ» табел қуролидан ўзининг жағ қисмига қарата бир маротаба ўқ узган.
Оқибатда сафдор Бекзод Бобомирзаев олган жароҳатидан воқеа жойида вафот этган.
Ўз жонига қасд қилиш сабаблари Ички ишлар вазирлиги ва прокуратура органларининг махсус ташкил этилган гуруҳи томонидан ўрганилмоқда. Ҳолат ички ишлар вазирининг шахсан назоратига олинган.
Аввалроқ Сурхондарёда туман ИИБ бошлиғининг собиқ ўринбосари ўзини осиб қўйгани тўғрисида хабар берилганди.
Мавзуга доир: Зангиотадаги қамоқхона ходими хизмат хонасида ўзини осди
Изоҳ (0)