Раж Капур, Дев Ананд ва бошқа Болливуд юлдузлари ижросидаги сўнгги роллар

Ҳинд киносаноатида ўз ўрнига эга бўлган актёрлар карьерасидаги қайси фильмлар сўнггиси бўлгани ҳақида маълумот бериб ўтамиз.

Ражеш Кханна

Ражеш Кханна танқидчилардан «супер юлдуз» мақомини қабул қилиб олган. Хонанда актриса Мумтоз билан суратга тушган барча фильмлари хит даражасига кўтарилган. Минглаб мухлисларга эга бўлган актёрга томошабинлардан мактуб келиши тўхтамаган. 45 йиллик карьераси давомида актёр 180 та фильмда суратга тушган. Ижросидаги сўнгги «Князлик» лойиҳаси вафотидан икки йил ўтиб, 2014 йил 18 июнда экран юзини кўрган.

Раж Капур

Карьерасининг илк кунлари композитор бўлиш ва мусиқа ёзишни истаган актёр 24 ёшида «RК Films» студиясига асос солиб, илк «Ааg» фильмини суратга олган. «Дайди» фильми сабаб Канн фестивалида икки карра «Олтин палма новдаси» мукофотига номзоди қўйилган. Қолаверса, «Дайди» фильми Time журналининг версиясига кўра ҳамма вақтнинг энг яхши фильмлари рўйхатидан ўрин олган. Режиссёр сифатидаги сўнгги фильми «Henna» бўлган, аммо Капур уни охирига етказишга улгурмаган. У 1988 йил 2 июнда вафот этган, фильмни ўғли Рандхир Капур якунига етказган.

Дев Ананд

Актёр, режиссёр ва продюсер Дев Ананд аввалига Қироллик флотида хизмат қилишни истаган. Кейинчалик Ашок Кумарнинг «Тақдир» фильмидаги ижросидан илҳомланиб актёр бўлишга қарор қилган. Ҳинд киносаноатининг энг муваффақиятли актёрларидан бўлган Девнинг сўнгги лойиҳаси «Ҳисобот» бўлган. Унда Ананд актёр, режиссёр ва сценарий муаллифи сифатида иштирок этган. Фильм вафотидан 3 ой аввал 2011 йил 30 сентябрда экран юзини кўрган. Фильм кутилганидек омадли чиқмаган.

Дилип Кумар

«Фожиалар қироли» карьераси давомида 65 дан ортиқ фильмларда суратга тушган. «Девдас», «Янги аср», «Ганга ва Жамна» фильмлари шулар жумласидан. 99 яшар актёр 20 йилдан ортиқ вақтда суратга тушган. 1999 йилда тасвирга олинган «Форт» фильми иштирокидаги сўнгги лойиҳаси бўлган.

Риши Капур

Ҳаётининг 50 йилини кинога бағишлаган Риши «Менинг исмим масхарабоз» фильмидаги дебют роли учун Миллий мукофот билан тақдирланган. 70 ва 80 йилларнинг романтик роллар ижроси 11 дан ортиқ фильмда бош қаҳрамонни гавдалантирган. Сўнгги фильми «Тана»(2019) бўлган актёр 2020 йил 30 апрелда вафот этган.