АҚШда хонанда Бритни Спирсга васийликни чўзиш юзасидан онлайн суд бўлиб ўтди. Бу ҳақда Elle хабар беради.
2008 йилда хонанда билан боғлиқ руҳий муаммолар сабаб нафақат маблағлари, балки шахсий ҳаёти ва ишини ҳам назорат қилган отаси Жейми унга васий этиб тайинланган.
«Мен васийликка чек қўйишни истайман. Яхшиси, умумий даволовчи шифокор уйимга келсин. Мен клиникага боришни ва у ерда фотосуратчи ва бекорчилардан уялишни истамайман… Отам ҳатто жиддий бетоб бўлган кунларимда ҳам саҳнага чиқишимга мажбурлаган. У менинг ҳаётимни буткул назорат қилган».
Хонанда унинг ҳар галги итоатсизлиги керагидан ортиқ дори воситалари ичириладиган клиникага мажбурлаб юбориш билан якунланганини таъкидланган. Шунингдек, отаси деярли ҳамма нарса, ҳатто ётоқхонадаги шкафни қайта бўяшни ҳам тақиқлайди.
Жейми Спирс қизининг молиявий аҳволини назорат қилгани сабаб ҳам Бритни ишлаб топган пулларини кўрмаган. Даромади миллион долларни ташкил қиладиган юлдуз ҳафтасига тахминан икки минг долларга яқин пул олади.
Юлдуз истаган вақтида истаган жойига боришни хоҳлашини маълум қилган. «Мен ҳам ҳар қандай бошқа одам сингари ҳуқуқларга эга бўлишга лойиқман».
Бундан ташқари, у васийликни бекор қилиш мумкинлиги ҳақида билмаганини ҳам айтиб ўтган: «Мен бундай муносабатга арзийдиган ҳеч нима қилмадим. Истамаган нарсамни қилишга мажбурлашларига арзийдиган ҳеч нима қилмадим».
Аммо ҳаммадан ҳам мухлисларни хонанданинг фарзандли бўлиши та’қиқлангани ҳақидаги маълумот ҳайрон қолдирган. У турмушга чиқиб, фарзандли бўлишни исташи, аммо васийлик остида бундай қила олмаслигини қўшимча қилган. Бритни уни бир дақиқа ҳам ёлғиз қолдирмайдиган қўриқчилар қуршовида бўлган.
Жейми қизининг ҳаётида Сем Асгари пайдо бўлганидан кейин уларни айириш учун қўлидан келган ҳамма нарсани қилган. Хонандани бошқа юлдузлар, хусусан, собиқ қайлиғи Жастин Тимберлейк ҳам қўллаб-қувватлаган.
«Эшитганларимиздан кейин Бритнини қўллаб-қувватлашимиз керак. Суд ва Бритнининг оиласи унга истаганидек яшашга ижозат беради, деб умид қиламан», — деган у. Хонанданинг ўзи эса отаси ва унинг жамоаси унинг ҳаётини эксплуатация қилгани ва очиқ суд йиғилишида улар нима дейишни исташини билишларини хоҳлаган. Кейинги суд 14 июлда бўлиб ўтади.
Изоҳ (0)