AQShda xonanda Britni Spirsga vasiylikni cho‘zish yuzasidan onlayn sud bo‘lib o‘tdi. Bu haqda Elle xabar beradi.
2008-yilda xonanda bilan bog‘liq ruhiy muammolar sabab nafaqat mablag‘lari, balki shaxsiy hayoti va ishini ham nazorat qilgan otasi Jeymi unga vasiy etib tayinlangan.
“Men vasiylikka chek qo‘yishni istayman. Yaxshisi, umumiy davolovchi shifokor uyimga kelsin. Men klinikaga borishni va u yerda fotosuratchi va bekorchilardan uyalishni istamayman… Otam hatto jiddiy betob bo‘lgan kunlarimda ham sahnaga chiqishimga majburlagan. U mening hayotimni butkul nazorat qilgan”.
Xonanda uning har galgi itoatsizligi keragidan ortiq dori vositalari ichiriladigan klinikaga majburlab yuborish bilan yakunlanganini ta’kidlangan. Shuningdek, otasi deyarli hamma narsa, hatto yotoqxonadagi shkafni qayta bo‘yashni ham taqiqlaydi.
Jeymi Spirs qizining moliyaviy ahvolini nazorat qilgani sabab ham Britni ishlab topgan pullarini ko‘rmagan. Daromadi million dollarni tashkil qiladigan yulduz haftasiga taxminan ikki ming dollarga yaqin pul oladi.
Yulduz istagan vaqtida istagan joyiga borishni xohlashini ma’lum qilgan. “Men ham har qanday boshqa odam singari huquqlarga ega bo‘lishga loyiqman”.
Bundan tashqari, u vasiylikni bekor qilish mumkinligi haqida bilmaganini ham aytib o‘tgan: “Men bunday munosabatga arziydigan hech nima qilmadim. Istamagan narsamni qilishga majburlashlariga arziydigan hech nima qilmadim”.
Ammo hammadan ham muxlislarni xonandaning farzandli bo‘lishi ta’qiqlangani haqidagi ma’lumot hayron qoldirgan. U turmushga chiqib, farzandli bo‘lishni istashi, ammo vasiylik ostida bunday qila olmasligini qo‘shimcha qilgan. Britni uni bir daqiqa ham yolg‘iz qoldirmaydigan qo‘riqchilar qurshovida bo‘lgan.
Jeymi qizining hayotida Sem Asgari paydo bo‘lganidan keyin ularni ayirish uchun qo‘lidan kelgan hamma narsani qilgan. Xonandani boshqa yulduzlar, xususan, sobiq qaylig‘i Jastin Timberleyk ham qo‘llab-quvvatlagan.
“Eshitganlarimizdan keyin Britnini qo‘llab-quvvatlashimiz kerak. Sud va Britnining oilasi unga istaganidek yashashga ijozat beradi, deb umid qilaman”, — degan u. Xonandaning o‘zi esa otasi va uning jamoasi uning hayotini ekspluatatsiya qilgani va ochiq sud yig‘ilishida ular nima deyishni istashini bilishlarini xohlagan. Keyingi sud 14-iyulda bo‘lib o‘tadi.
Izoh (0)