Billboard журнали канадалик рэпер Дрейкни ўн йилликнинг энг яхши артисти деб топди. Billboard Music Awards билан тақдирлаш маросими 23 май куни Лос-Анжелесда бўлиб ўтади, деб хабар беради «Korrespondent.net».
Мусиқачи премиянинг мутлақ рекордини ўрнатган: у 27 та мукофот эгаси ҳисобланади.
Дрейкнинг пластинкалари студияда йиғилган Thank Me Later’дан бошлаб Billboard 200 рўйхатида етакчилик қилган. Рэпернинг айрим қўшиқлари бир йилга яқин Billboard Hot 100 чартида топ позицияларни сақлаб қолган, янги альбомидаги қўшиқлар эса тезда рейтингдан ўрин олган.
Дрейк — чартнинг биринчи поғонасида жами 50 ҳафтадан ортиқ ўз позициясини сақлаб қолган ягона яккахон артист ҳисобланади.
Шунингдек, ўн йилликнинг энг яхши артистлари қаторидан Billboard Music Awards мукофотларини қўлга киритиш бўйича аёллар ўртасидаги рекордчи Тэйлор Свифт ҳам ўрин олган. Бундан ташқари, топ рўйхатда Бруно Марс, Рианна, Адель, Эд Ширан, Жастин Бибер, Кэти Перри, Maroon 5 ва Post Malone жой олган.
Аввалроқ Дрейк Spotify мусиқий сервисида рекорд ўрнатгани, у қўшиқлари 50 миллиард маротаба тингланган биринчи қўчиқчига айлангани тўғрисида хабар берилганди.
Изоҳ (0)