Дунё ва ўзбек спортига оид 21 июнь тонгининг муҳим хабарлари дайжести билан танишинг.
Ўзбекистон
Ўзбекистон футбол ассоциацияси президенти Абдусалом Азизов Тошкентда Қатар футбол ассоциацияси раҳбари Шайх Ҳамад бин Халифа бин Аҳмад ат-Тани билан учрашди. Учрашув вақтида икки ассоциация ўртасида ҳамкорлик шартномаси имзоланди.
Ўзбекистон Суперлигасининг 10-тур ўйинлари ўтказилди. ФИФА кунларидан кейин маҳаллий чемпионат ўйинлари давом эттирилмоқда. 10-турда «Пахтакор» энг таъқибчиси «Сўғдиёна» билан дуранг ўйнади. «Навбаҳор», «Насаф» ва «Бунёдкор» ўз ўйинини ғалаба билан якунлади.
Жаҳон
Евро—2020 А гуруҳи ўйинлари якунланди. Италия юз фоизлик натижа билан кейинги босқичга йўл олди. Уэльс эса иккинчи ўринни қўлга киритди. 4 очкога эга Швейцария қолган гуруҳлардаги вазиятни кузатади. Туркия эса мусобақа билан хайрлашди.21 июнь куни мусобақанинг иккита гуруҳида 3-тур учрашувлари бўлиб ўтади.
C гуруҳи
Шимолий Македония — Нидерландия 21:00
Украина — Австрия 21:00
B гуруҳи
Россия — Дания 00:00
Финляндия — Бельгия 00:00
Копа Америка—2021 мусобақаси давом этмоқда. 3-турда Колумбия кутилмаганда Перуга имкониятни бой берди. Венесуэла ва Эквадор ўртасидаги баҳсда эса 2:2 ҳисобидаги жанговар дуранг қайд этилди.
21 июндан 22 июнга ўтар кечаси мусобақа доирасидаги яна иккита ўйин бўлиб ўтади. Уругвай Чили билан ўйнаса (02:00 да бошланади), Аргентина терма жамоаси Парагвайга қарши саф тортади (05:00).
«Райо Вальекано» Ла Лигага қайтди. «Раё» Примерага йўлланма берувчи плей-офф финалида «Жирона»дан устун келди (1:2, 2:0) ва икки йиллик танаффусдан кейин Ла Лигага қайтди.
«Барселона» 525 миллион евро миқдорида кредит олади. Каталон клуби 2022 йилнинг август ойида катта миқдорда кредит олмоқчи. Бу «Барселона» бош ассамблея йиғилишида маъқулланган. Қайд этилишича, бу пулларнинг катта қисми жамоанинг қарзларини қоплашга йўналтирилади. Айни вақтда «Барса»нинг 1 миллиард евродан ортиқ қарзи бор ва бу миқдор ортиб бормоқда.
ЖЧ—2022 иштирокчилари ва томошабинлари коронавирусга қарши эмланади. Қайд этилишича, Қатар ҳукумати мусобақага ташриф буюрувчилар учун миллион дона вакцина харид қилиш борасида музокаралар олиб бормоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)